Ўзбекистон республикаси олий ва ўрта махсус таълим вазирлиги бошланғич профессионал таълимнинг

1. Ўқув дастури умумий талаблари

Дастур номи	Техникавий чизмачилик
Ажратилган соат	40
Ўқитувчининг машғулотида қатнашиб ўзлаштирилиши лозим бўлган мавзулар сони	20
Дастурнинг мақсади	Ўзбекистон Республикасининг ривожланишида нефт ва газ саноатининг аҳамияти. Нефт ва газ саноатида чизмачилик фанининг ўрни. Чизмачиликнинг мақсад ва вазифалари. Чизма тарихи ва ривожланиши. Чизмаларга оид қонун-қоидалар ва стандартлар тўплами. Адабиётлар ва кўлланмалар, жиҳоз ва асбоблар. Чизмаларга қўйиладиган талаблар. Чизмачилик фанининг “Нефть ва газни қайта ишлаш ва нефтни кимёвий ишлаб чиқариш технологи” соҳасидаги аҳамияти.
Ўзлаштириш (ўқитиш) натижалари	Нефт ва газ саноатидаги мутахассисликларни эгаллашдаги талабларни қондириш ҳамда бозор иқтисодиёти талабларига жавоб бера оладиган рақобатбардош маҳсулотлар ишлаб чиқаришдаги техник воситаларнинг ҳар бир деталнинг тузилиши , чизмаларда тасвирланиши, тасвирларни ясаш услуби ва чизманинг ишлаб чиқаришдаги аҳамияти ҳақида маълумотларни ўқувчиларга етказиш.
Билимлар	чизмаларга қўйиладиган талаблар, уларга оид қонун-қоидалари билан танишиш; чизмаларда хар бир чизиқнинг ўрни, чизмачилик ёзувларидан фойдаланиш ва туташмалар бажариш ҳақида тушунча; техникада ишлатиладиган ҳар бир деталнинг геометрик сиртлардан тузилганлиги ва уларни ясаш усуллари; деталларга қирқим бериб ички кўринишини ўрганиш; деталга қараб тасвирларни қўлда, тезда бажариш усули; -тишли ғилдираклар ва резьба тишларини чизмада соддалаштиришлардан фойдаланиб чизиш усули; йиғиш чизмасида деталларнинг бириктирилиши, жойлашиши, тасвирланиши ва деталларга ажратилиши ҳамда ўқиш усуллари; схемаларни шартли белгилар орқали тузилиши ва турлари ҳақида тушунча.
Кўникмалар	чизмаларга оид қонун –қоидалар ва стандартлар тўплами; чизма чизиқлари, ёзувлари ва техник деталларни контурларини чизиш усули; геометрик сиртларнинг тузилиши, тасвирланиши ва кесимини бажариш усуллари; деталларга қирқим бериб бажариш усуллари; эскизлар бажариш босқичлари; тишли ғилдираклар ва резьбаларнинг соддалаштирилган ҳолдаги чизмаларни бажариш усуллари; йиғиш чизмаларини бажариш, деталларга ажратиш ва ўқиш усули; мутахассисликка оид чизмалар ва схемалар бажаришда шартлилик ва соддалаштиришлар.