Ўзбекистон республикаси олий ва ўрта махсус таълим вазирлиги қарши муҳандислик-иқтисодиёт институти

5.1
 
– расм. Уй хўжаликлари молиявий ресурсларининг айланиши чизмаси 
1 – солиқлар, 2 – трансферт тўловлар, 3 – кредитлар, 4 – суғурта бадаллари, 5 – 
ижтимоий ҳимоя, 6 – жамғарилган маблағлар, 7 – фоизлар, фойда, рента, 8 – иш 
ҳақи, 9 – товар ва хизматлар, ишчи кучи баҳоси 
Уй хўжалиги молияси марказлашган молия (давлат ва маҳаллий бюджет, бюджетдан 
ташқари ижтимоий фонд) ва марказлашмаган молия (корхоналар молияси, молиявий бозор) 
билан ўзаро боғланган. Улар ўртасида бир томонлама, икки томонлама ва кўп томонлама 
узлуксиз пул оқимлари вужудга келади. Давлат ва уй хўжаликлари ўртасида пул 
оқимларининг доимий ҳаракати вужудга келади. Уй хўжалиги аҳзолари давлат секторига ўз
меҳнатини тақдим этишади, товар ва хизматларини давлатга сотишади. Бунинг эвазига иш 
ҳақи ва даромад олишади. Шунингдек, молиявий муносабатлар бюджетга ва бюджетдан 
ташқари ижтимоий фондларга солиқлар, йиғимлар, бож ва турли ажратмаларни тўлашда 
ҳам вужудга келади. Бундан ташқари, уй хўжаликлари давлатдан турли ҳил трансферт 
тўловларини, натурал шаклдаги неҳмат ва хизматларни олишади. Уй хўжалиги билан 
нодавлат сектори – корхоналар, ташкилотлар, компаниялар ўртасида ҳам пул оқимлари 
вужудга келади. Уй хўжаликлари корхона ва ташкилотларнинг товар ва хизматларидан
фойдаланишади, уларнинг баҳосини пул шаклида қайтаришади. Шунингдек юридик 
шахслар уй хўжаликларини кредит ресурслар, фойда дивидент, фоиз, ижара ҳақи 
кўринишидаги даромадлар билан таҳминлаши мумкин. 
Молиявий ресурсларнинг айланиши натижасида уй хўжаликлари ўзининг шахсий 
эҳтиёжларини бугун ва келгусида доимий равишда қондиришлари мумкин. 
3.
 
Уй хўжалиги бюджети 
Молиявий ресурслар уй хўжалиги бюджетини шакллантиради. Ўзининг моддий 
моҳиятига кўра 
уй хўжалиги бюджети 
– бу уй хўжалиги пул маблағлари фондини 
шакллантириш ва фойдаланиш шаклидир. У ўзида уй хўжалиги аҳзоларининг умумий 
даромадларини ва шахсий эҳтиёжларини таҳминлайдиган харажатларни бирлаштиради.