Ўзбекистон республикаси олий ва ўрта махсус таълим вазирлиги а.ҚОдирий номидаги жиззах давлат педагогика институти педагогика-психология кафедраси

Учинчи машғулот
Бу машғулотда иштирокчилар муносабатни ўрганадилар.
Машқ: «Муносабат доскаси»
Машғулотдан олдин деворга бир нечта ватман варағи маҳкамлаб қўйилади.
Йўриқнома: Бу бизнинг ўзига хос «муносабат доскамиз». Бу ерда ўзига ва бошқаларга муносабатни ифодалаш мумкин. Сиз ниманидир чизишингиз ёки ёзишингиз мумкин. «муносабат доскаси» бу ерда бир неча машғулотгача сақланади.
Машқ: «Мусиқани тўхтатинг»
Мусиқа янграйди. Иштирокчилар хона бўйлаб эркин ҳаракатланадилар. Фақат тренер мусиқани тўхтатгач, иштирокчилар у билан бирга эканликларини қайд қилишлари мумкин. Буни комплимент ёки ёқимли ифодаларни айтиш орқали амалга ошириш мумкин: «Мен жуда ҳам хурсандман, биз яна биргамиз».
Машқ: «Қисқача ўзим ҳақимда»
Гуруҳ иштирокчилари айлана бўлиб ўтирадилар. Ҳар бири навбат билан мимика ва пантомима орқали бўш вақтларида нима билан шуғулланишларини ифодалайдилар. Масалан, ашула айтиш, ўқиш, сайр қилиш, мусиқа тинглаш. Иштирокчилар навбатни ўз ихтиёрларига кўра танлайдилар.
Тўртинчи машғулот
Машқ: «Ғайритабиий саломлашиш»
Иштирокчиларга бир-бирлари билан панжа, елка, оёқ, пйешона, тизза, тирноқ орқали ва шулар каби «ғайритабиий саломлашиш» таклиф этилади.
Мусиқа янграйди. Илк ўспиринлар хона бўйлаб тартибсиз ҳаракатланадилар. Тренер иштирокчилардан қандай саломлашиш кераклигини сўрайди. Иштирокчилар бир-бири билан ихтиёрий саломлашадилар. Уларга ўз саломлашишлари ҳақида ўйлаб кўриш тавсия қилинади.
Машқ: «Мен ўзимни яхши кўраман»
Ҳамма айлана бўлиб ўтиради. Гуруҳ иштирокчилари ўз қадриятлари ҳақида гапирадилар. Масалан, «Мен ўзимни яхши кўраман, чунки меҳрибон бўлганлигим учун».
Машқ: «Сўзли автопортрет»
Иштирокчилар қоғозга ўзлари ҳақида аноним шаклда ёзадилар. Улар оилалари, синфи, дўстларининг фазилатлари, ҳарактери, хулқ-атвори, ўқишдаги ютуқлари ҳақида ёзишлари лозим. Варақлар йиғиб олинади ва аралаштирилади, сўнг ҳар бир илк ўспирин битта варақни танлаб олади. Ундаги маълумотларни гуруҳга маълум қилади. Ўқиётган иштирокчининг вазифаси–сўз ким ҳақида бораётганини топиш. Агар тополмаса, гуруҳни ёрдамга чақиради.