Ўзбекистон республикаси олий ва ўрта махсус таълим вазирлиги андижон машинасозлик институти “Автоматика ва электротехнология” факультети

Битирув малакавий ишининиг мақсади ва вазифалари. . Битирув малакавий ишнинг асосий мақсади хусусий корхоналарда бухгалтерия ҳисобини ташкил этишни такомиллаштириш ҳисобланади. Ушбу мақсадга эришиш учун илмий ишда қуйидаги вазифаларни бажариш белгилаб олинган:
- Республикамиз иқтисодиётида кичик бизнес ва хусусий тадбиркорликни ўрни ва аҳамияти билан танишиб чиқиш;
- Хусусий корхоналарни ташкил этишнинг хуқуқий-меъёрий асосларини ўрганиб чиқиш;
- “Барчиной текстил” хусусий корхонасида бошқариш харажатлари ҳисобини юритилиши тартибини кўриб чиқиш;
- “Барчиной текстил” хусусий корхонасида бошқариш харажатларини асосланганлиги таҳлилини амалга ошириш;
- “Барчиной текстил” хусусий корхонасида бошқариш харажатлари ҳисобини аудит текширувидан ўтказиш;

• 
  Хусусий сектор корхоналарида бошқарув харажатлари ҳисобини такомиллаштириш йўналишлари.
  

Битирув малакавий ишининг предмети ва объекти. Мазкур малакавий битирув ишининг тадқиқот предмети хусусий корхоналарда бухгалтерия ҳисобини ташкил этиш такомиллаштириш бўйича тегишли хулоса ва таклифлар беришдан иборат. Ишнинг объекти сифатида Хўжаобод туманидаги “Барчиной текстил” хусусий корхонаси танлаб олинди.
Битирув малакавий ишининг назарий ва услубий асослари. Ўзбекистон Республикаси Президенти И. А. Каримовнинг Фармонлари, Ўзбекистон Республикаси Қонунлари, Ўзбекистон Республикаси Молия Вазирлигининг Қарорлари, бухгалтерия ҳисобини ташкил қилиш билан боғлиқ меъёрий хужжатлар, мамлакатимиз ва хорижий иқтисодчи олимларнинг бухгалтерия ҳисоби ва аудитини ташкил этиш ва юритиш бўйича илмий ишлари, услубий, меъёрий манбалар ҳамда интернет маълумотлари ҳисобланади.
Битирув малакавий ишининг таркибий тузилиши. Тадқиқот кириш, икки боб, хулоса ва таклифлар, фойдаланилган адабиётлар рўйхатидан иборат.
Битирув малакавий ишининг кириш қисмида илмий тадқиқот ишининг долзарблиги, ушбу мавзунинг ўрганилганлик даражаси, тадқиқотнинг вазифалари, назарий-услубий асослари ўз ифодасини топган.
Биринчи бобда Республикамиз иқтисодиётида кичик бизнес ва хусусий тадбиркорликни ўрни ва аҳамияти, хусусий корхоналарни ташкил этишнинг хуқуқий-меъёрий асослари ва хусусий корхоналарда ҳисоб сиёсати ва унинг назарий асослари каби масалалар кўриб чиқилган.
Иккинчи бобда эса “Барчиной текстил” хусусий корхонасида бошқариш харажатлари ҳисобини юритилиши тартиби, “Барчиной текстил” хусусий корхонасида бошқариш харажатларини асосланганлиги таҳлили, “Барчиной текстил” хусусий корхонасида бошқариш харажатлари ҳисобини аудит текширувидан ўтказиш ҳамда хусусий сектор корхоналарида бошқарув харажатлари ҳисобини такомиллаштириш йўналишлари каби саволлар ўрганиб чиқилган.
Битирув малакавий ишнинг хулоса қисми ўрганилган мавзу бўйича олинган билим ва кўникмалардан келиб чиққан ҳолда тегишли хулоса ва таклифларни баён этиш билан якунланади.