Ўзбекистон Республикаси Олий ва ўрта махсус таълим вазирлиги Алишер Навои номидаги Самарқанд давлат университети Илмий

/

Ўзбекистон Республикаси Олий ва ўрта махсус таълим вазирлиги

Алишер Навои номидаги Самарқанд давлат университети Илмий

ахборот- ресурс маркази
“Ўзбек тили ва адабиёти” журналида
ўзбек тилшунослиги бўйича чиққан илмий
мақолалар ва ахборотларнинг
библиографик кўрсатгичи

1958-2006 йиллар

Самарқанд – 2007 йил

УДК: 016:494.3
Ў – 16

Ўзбекистон Республикаси Фанлар академиясининг қарори билан таъсиc этилган ва 1958 йилдан бошлаб нашр қилинаётган “Ўзбек тили ва адабиёти” журнали республикамизда филология масалаларини кенг ёритувчи ягона илмий органдир. Журнал ўз ўқувчиларини ўзбек тили тарихи, ҳозирги ўзбек адабий тили, диалектологияси, фонетикаси, грамматикаси, лексикаси, услубшунослиги, нутқ маданияти, шунингдек ўзбек адабиёти тарихи, ҳозирги ўзбек адабиёти, халқ оғзаки ижоди каби соҳаларда олимларимиз томонидан олиб борилаётган илмий тадқиқотларнинг натижалари билан мунтазам равишда таништириб келяпти. Унинг саҳифаларида олимларимизнинг ўзбек тили ва адабиётининг муҳим назарий ва мунозарали масалаларига оид мақола ва ахборотларга етарли ўрин бериляпти.

Журнал ўзбек тили ва адабиёти ўқитувчилари, филология факультетларининг талабалари, магистрантлари, аспиранлари, илмий ходимлар, профессор-ўқитувчилар ҳамда ўзбек тили ва адабиёти билан қизиқувчи кенг ўқувчилар оммасига мўлжалланган.
Ўқувчиларнинг ўзларини қизиқтирган қайси масалаларга доир қандай мақолалар журналнинг қайси сонида, қайси саҳифаларида мавжуд эканлигини билишларига ва уларни осонлик билан топишларига кўмаклашиш мақсадида ушбу библиографик кўрсатгич тузилди. “Кўрсатгич” икки бўлимдан иборат бўлиб, биринчи бўлимга ўзбек тилшунослигига оид, иккинчи бўлимга эса ўзбек адабиётшунослигига доир мақола ва ахборотлар киритилди.
Қўлингиздаги ушбу “Кўрсатгич” ўзбек тилшунослигининг айрим масалаларини ёритишга бағишланиб журнал саҳифаларида берилган материаллар кўрсаткичидан иборат бўлиб, унда журналнинг 1958-2006 йилларда чиққан сонларидаги мақола ва ахборотлар қамраб олинган “Кўрсатгич”нинг иккинчи бўлими ўзбек адабиётшунослиги масалаларига бағишланиб, журнал саҳифаларида ёритилган илмий мақола ва ахборотлар библиографик кўрсатгичидан иборат бўлади.

Тузувчилар: Жўрабой Ҳамдамов

Елена Карамян
Мухаррир: И.И.Исраилов