Ўзбекистон республикаси олий ва ўрта махсус таълим вазирлиги алишер навоий номидаги

3.8 ФОТОСИНТЕЗНИНГ КУНЛИК ВА МАВСУМИЙ ЖАДАЛЛИГИ 
Юқорида кўриб ўтилган ташқи шароит омиллари фотосинтезга 
биргаликда комплекс ҳолатда таъсир этади. Айниқса ёруғлик, ҳарорат ва сув 
миқдори кучли таъсир этиб, уларнинг кун давомида ўзгариши натижасида 
фотосинтезнинг кунлик жадаллиги характерланади. 
Эрталаб қуёшнинг чиқа бошлашидан фотосинтез ҳам бошланади. Кунинг 
ўрта қисмигача фотосинтез жадаллиги ортиб боради. Чунки ёруғликнинг ва 
ҳароратнинг ортиб бориши бунга сабаб бўлади.Энг юқори фотосинтез куннинг 
ўрта қисмида (соат 12-14 ларда) содир бўлади. Кечга томон яна фотосинтез 
жадаллиги пасайиб боради, бу ҳам ёруғликнинг ва ҳароратнинг ўзгариши 
асосида содир бўлади. Фотосинтезнинг бу типига бир максимумли (ёки бир 
чўққили) дейилади. Бир чўққили фотосинтез кўп ўсимликларда ва айниқса ўрта 
иқлим шароитларда содир бўлади. 
Фотосинтезнинг иккинчи типига икки чўққили (максимумли) дейилади. 
Фотосинтезнинг бу типи жуда иссиқ шароитда яшайдиган ўсимликларда содир 
бўлади. Масалан, буни Ўзбекистон шароитида ёз кунларида кузатиш мумкин. 
Эрталаб ёруғликнинг бошланиши билан фотосинтез жараёни ҳам бошланиб, 
соат 10-11 ларда энг юқори жадалликка эришади. Чунки бу соатларда 
ўсимликлар энг қулай ёруғлик,ҳарорат ва сув билан таъминланган бўлиб, 
оғизчалар очиқ ва СО
2
нинг ютилиши ҳам жадаллашган бўлади. Кунинг ўрта 
қисмларида (айниқса соат 13-14 ларда) фотосинтез секинлашган ёки тўхтаган 
бўлиши мумкин. Чунки куннинг ўрта қисмига яқинлашганда ҳарорат 
максималга яқинлашган ёки ундан ошган бўлиши мумкин. Ундан ташқари 

---

76
сувнинг кам бўлиши сабабли (камчиллигининг кўтарилиши) оғизчаларнинг 
ёпилиши ва СО
2
нинг ютилиши камаяди. Бундай куннинг ўрта қисмида 
фотосинтезнинг секинлашиши ёки тўхтаб қолишига - фотосинтез депресияси 
дейилади. Куннинг иккинчи ярмида фотосинтез яна жадаллашиб юқори нуқтага 
кўтарила бошлайди ва кечга томон яна пасая боради. Фотосинтезнинг бу типига 
- икки чўққили дейилади (39-расм ).
Ўсимликларнинг онтогенезида ҳам фотосинтез жадаллиги ўзгаради.
Кўпчилик ўсимликларда фотосинтез жадаллиги ўсишнинг бошланишидан то 
шоналаш - гуллаш фазасигача ортиб боради ва максимал даражага эришади. 
Кейинчалик эса аста-секин пасая боради. Бу асосан ўсимликларнинг модда 
алмашуви жараёнининг фаоллиги натижасидир. 
39 - расм. Ғўза фотосинтезининг кундузги ўзгариши ( Ю.С.Носиров, 1956 ) 
А - гуллашфазасида, Б-кўсаклаш фазасида ,1 - фотосинтез жадаллиги, 2 - ёруғлик, 3-
ҳарорат, 4-ҳавонинг нисбий намлиги, 5-карбонат ангидриднинг концентрацияси. 
Вегетация даври қисқа бўлган, эфемер ўсимликларнинг фотосинтез 
жадаллигининг максимал даражаси март ойининг охири апрель ойининг 
бошларига, яъни мева тугишнинг бошланиш даврига тўғри келади. Бутасимон 

---

77
ва дарахтчил кўп йиллик ўсимликларнинг бошланишидан олдин содир бўлади. 
Кузга томон фотосинтез жадаллиги пасая боради.