Ўзбекистон республикаси олий ва ўрта махсус таълим вазирлиги алишер навоий номидаги самарқанд давлат

6. «Йўналтирувчи матн» методи 
«Йўналтирувчи 
матн» 
методидан 
ўқув 
амалиёти 
дарсларида 
фойдаланилади. Ушбу методни ўтказиш босқичлари лойиҳалаш методининг 
босқичлари билан бир хилдир. Маълумот йиғиш, режалаштириш, амалга 
ошириш ва текшириш босқичларида ўқувчи мустақил ишлайди. Қарор қабул 
қилиш ва хулоса қилиш босқичларида ўқувчи ва ўқитувчи орасида «қайтар 
алоқа» ўрнатилиб, вазиятни биргаликда муҳокама қиладилар. Ўқувчиларга
бошланғич босқичларда ўқитувчи томонидан тузилган ёзма ҳужжатлар 
берилади. Бундай ҳужжатларга техник чизмалар, жадваллар, йўналтирувчи 
саволлар, тарқатма материаллар, топшириқлар варақаси, баҳолаш варақаси ва 
бошқалар киради. 
«Йўналтирувчи матн» методининг афзалликлари:
* ўқувчиларнинг кўникма ва малакаларининг шаклланишига олиб 
келади; 
* ўқувчиларнинг мустақил ўрганиш кўникмаларини шакллантиради; 
* ўқувчиларда мулоқот қилиш, ўз натижаларини ўзи текшириш 
кўникмаларини ривожлантиради; 
* ўқувчиларда иш-ҳаракатларни режалаштириш, мустақил қарор қабул 
қилиш каби кўникмаларини ривожлантиради. 
«Йўналтирувчи матн» методининг камчиликлари: 
* кўп вақт талаб қилади; 
* танланган мавзу ўқувчининг билим даражасига мос келиши талаб 
этилади; 
* ўқитувчидан катта тайёргарлик кўриш талаб этилади. 
7. «Муаммоли вазият» методи 
Муаммоли вазият - ўқувчиларга муаммоли вазиятларни таҳлил қилиш 
ва уларнинг ечимини топишга асосланган методдир. 
«Муаммоли вазият» методи учун танлаган топшириқнинг мураккаблиги 
ўқувчиларнинг билим даражаларига мос келиши керак. Улар қўйилган 
муаммонинг ечимини топишга қодир бўлишлари керак, акс ҳолда ечимни 
топа олмагач, ўқувчиларнинг қизиқишлари сўнишига, ўзларига бўлган 
ишончларининг юқолишига олиб келади. 
«Муаммоли вазият» методининг афзалликлари: 
* ўқувчиларда мустақил фикрлаш қобилиятларини шакллантиради;