Ўзбекистон республикаси олий ва ўрта махсус таълим вазирлиги абу райхон беруний номидаги

Углеводородлар
Qм, ж/кг
Алканлар	48600-47200
Цикланлар	46400
Моноциклик ароматикалар	42000-44750
Бициклик ароматикалар	40500

Реактив ёқилғилар учун стандартларда ёниш иссиқлиги (Q_қуйи) 42916 ж/кг (10250 ккал/кг) дан қуйи бўлмаган миқдорда меъёрлаштирилган.

Ёнишни тўлиқлигига келсак, тажрибалар шуни кўрсатадики, ароматлаштирилган ёқилғи бу борада энг ёмонидир. Шундай қилиб, ароматик углеводородлар бирлик ҳажмга ҳисоблаганда энг юқори зичликларга ва ёниш иссиқликларига эга бўлсаларда, умуман олганда улар ўз энергетик кўрсаткичлари бўйича реактив ёқилғида мақбул бўлмаган компонентлардир.
Ёниш жараёни нуқтаи назаридан ўз-ўзидан алангаланиш энг катта ҳароратларига эга бўлган ароматик углеводородлар реактив ёқилғи сифатини ёмонлаштиради. Кўрсатилгандан ташқари реактив ёқилғиларга бошқа жиддий талаблар ҳам қўйилади. Улар термик барқарор (яъни қиздирилганда чўкмалар ва смолалар ҳосил қилмаслиги), ёнганда сўхта хосил қилмаслиги ва коррозияни чақирмаслиги лозим. Тўйинмаган углеводородларни ва гетероорганик бирикмаларни мавжудлиги ёқилғининг ушбу кўрсаткичларини ёмонлаштиради. Ароматик углеводородлар, айниқса бициклик ва ён занжирсизлари анчагина сўхта ҳосил бўлишини юзага келтиради.
Шундай қилиб, реактив ёқилғиларга қўйилган талабларнинг ҳаммасини йиғиндиси бўйича умумий хулоса чиқарилса, ёқилғи мақбул кимёвий таркибга эга бўлиши лозим дейиш мумкин. Нефтдан олинган юқори сифатли ёнилғи тармоқланган алканлар ва турли-туман тузилишли, аммо тўйинган ён занжирли цикланлар аралашмасидан иборат бўлиши лозим. Ароматик углеводородларнинг миқдори чегараланган бўлиши, гетератомли углеводородли компонент эса, буткул бўлмаслиги керак. Ҳаво реактив двигателлари ёнилғиси сифатида нафақат тоза нефть маҳсулотлари ёки юқори ёниш иссиқлигига эга бўлган махсус синтез қилинган углеводородлар қўлланилиши мумкинлигини кўзда тутиш мумкиндир. Углеводородли ёнилғиларнинг ёниш иссиқлиги углероднинг ўзини нисбатан қуйи ёниш иссиқлиги билан чегараланган. Шу боис янги ёқилғи хилларини излаш борводородли ва металлуглеводородли ёнилғиларни бунёд этилди. Борводородларни ёниш иссиқлиги углеводородларникига нисбатан ўртача бир ярим маротаба юқоридир.
Металлуглеводородли ёқилғилар магний, алюминий, бор каби элементларни одатдаги нефть ёқилғиларидаги 50% гача металл сақловчи суспензияларидир. Бундай суспензияларни ёқилганда, ёниш ҳарорати кескин кўтарилади, двигателни тортиш кучи анча ошади.