Ўзбекистон республикаси олий ва ўрта махсус таълим вазирлиги абу райҳон беруний номидаги

ТАЛАБАЛАР ЁТОҚХОНАЛАРИ ХАҚИДА МАЪЛУМОТ

Университетда жами 8 та талабалар турар жойи мавжуд. 2005 йилда ҳукуматимиз томонидан барча талабалар турар жойлари тўлиқ таъмирланди. Университет талабалар турар жойлари жами 1892 ўринга мўлжалланган. Бунда талаба-ёшлар яшашлари учун барча шарт-шароитлар яратилган.

55 - ТТЖда – 267 нафар талаба, 56 – ТТЖда - 172 нафар талаба,

57 - ТТЖда – 154 нафар талаб, 63 – ТТЖда - 167 нафар талаба,
68 – ТТЖда – 169 нафар талаба, 69 - ТТЖда -174 нафар талаба,
71 – ТТЖда – 162 нафар талаба, 72а,б- ТТЖда -565 нафар талаба
жами бўлиб 1830 нафар талаба истиқомат қилади.
Шулардан 162 нафари қизлар.

Университетнинг барча талабалар турар жойларига Кенгаш раислари тайинланган ҳамда ҳар бир қаватга қават сардорлари бириктирилган бўлиб, улар билан ҳар ҳафтанинг душанба куни соат 14-00да факультет маънавий-маърифий ишлар бўйича декан муовинлари, талабалар турар жойлари дирекция директори, талабалар турар жойлари бино бошлиқлари, талабалар касаба уюшмаси раиси, хотин-қизлар қўмитаси раиси, “Камолот” ЁИҲ етакчилари иштирокида ишчи йиғилишлари ўтказилади.

Шунингдек, ҳар бир талабалар турар жойларида факультет деканлари, декан муовинлари ҳамда кафедра мудирларининг ташрифларини қайд этиш журналлари ташкил этилган.
ТТЖ Кенгаш раислари бошчилигида ҳамда қават сардорлари билан маънавий-маърифий, тарбиявий ҳамда ҳафтанинг ҳар куни қатъий жадвал асосида ободонлаштириш ишлари амалга оширилиб борилмоқда.
Ҳар бир талабалар турар жойи кундалик матбуот нашрлари (Халқ сўзи, Ўзбекистон овози, Тошкент оқшоми, Ҳуқуқ, Туркистон ва ҳ.к.) билан таъминланган.
Талабалар турар жойида ҳар ҳафтанинг пайшанба куни «Тозалик куни» деб эълон қилинган бўлиб, ҳар бир талаба ўзи яшаётган хона озодалигига, хона жиҳозларининг покизалигига ва сақланишига алоҳида эътибор қаратиши талаб қилинади.
Университетда талаба-ёшларнинг спорт билан шуғулланишлари учун барча шарт-шароитлар яратилган. Талаба-ёшлар орасида мунтазам равишда турли спорт мусобақалари ўтказилиб келинмоқда.
Университет худудида «Спорт мажмуаси» жойлашган бўлиб, унда қанча талабалар учун барча шарт шароитлар яратилган бўлиб, талабалар ўзлари қизиққан спорт турлари билан шуғулланишлари мумкин. Бу мажмуада баскетбол ва волейбол майдонлари, 25 метрлик сув ҳавзаси, тренажёр зали ва бир қанча машғулот хоналари мавжуд. Бунда «Минифутбол», «Волейбол», «Баскетбол», «Каратэ», «Айкидо», «Сузиш», «Аэробика» ва бошқа тўгараклар мавжуд бўлиб, уларга дарсдан сўнг қатнашишлари мумкин.
«Жисмоний- тарбия» кафедраси ва «спорт майдонлари» талабалар шаҳарчасига жойлашган бўлиб, машғулотлар ўша ерда ўтади.
Университетимиз кўп йиллар давомида республикамизда бўлиб ўтаётган мусобақаларда фаол қатнашиб келмоқдалар.
«Жисмоний-тарбия» кафедраси томонидан 2009 йил ноябрь ойида спортнинг 7 та тури бўйича (кураш, дзю-до, шахмат, шашка, стол тенниси, баскетбол, волейбол, футбол) мусобақалар ўтказилди.
Жумладан, кураш бўйича Нефть ва газ факультети 4-курс талабаси Жўраев Илҳом 2009 йил ноябрь ойида 100кг вазн бўйича Ўзбекистон кубогини қўлга киритди. Факультетлараро ўтказилган мусобақаларда Нефть ва газ факультети 4-курс талабаси Жўраев Илҳом 100 кг вазн бўйича 1-ўрин, 90кг вазнда Электроника ва автоматика факультети 3-курс талабаси Жовлиев Фурқат 2-ўрин, 66кг вазда Энергетика факультети талабаси Аминов Фурқат фахрли 3-ўринни қўлга киритдилар. Шунингдек, ўтказилган спорт мусобақаларида талаба-ёшларимиз фахрли ўринларни эгалладилар. 2009 йилда Республика миқёсида ўтказилган стол тенниси бўйича университетнинг “Энергетика” факультети 1-курс магистранти Сидякина Мария фахрли 2-ўринни эгаллади. Спортнинг баскетбол бўйича университет “Энергетика” факультети 1-курс магистранти Д.Сшанов Ўзбекистон терма жамоаси сифатида Вьетнамда бўлиб ўтган баскетбол мусобақасида қатнашди. 2010 йил март ойида “Наврўз” умумхалқ байрами муносабати билан университет профессор-ўқитувчилари ҳамда талаба-ёшлар ўртасида спортнинг шахмат-шашка тури бўйича мусобақалари ўтказилди. Шунингдек жорий йилнинг апрель-май ойларида «Баркамол авлод йили» муносабати билан «Геология ва кончилик иши» факультети томонидан ташкил этилган факультетлараро футбол мусобақаси ўтказилди. Ушбу футбол мусобақасида «Авиация» факультети жамоаси ғолиб деб топилди.
Университетда ҳар йили ректор ва проректорлар билан талаба-ёшлар ўртасида очиқ мулоқотлар ўтказиб борилади. Жорий йилнинг апрель ойида барча факультет талаба-ёшлари билан жадвал асосида очиқ мулоқотлар ўтказилди. Ушбу мулоқотда талабалар ўзларини қизиқтирган муаммоли саволлар билан университет раҳбариятига мурожаат қилишди.
Ҳаммага яхши маълумки, Президентимиз ташаббуси билан 1997 йилдан бошлаб ҳар бир йил ўзига муносиб ном билан номланиб келинмоқда. Мана шу ташаббусни университетимизда давом эттирилган ҳолда ректор ташаббуслари билан йилнинг ҳар бир ойи номланмоқда. Бунга кўра апрель ойи