ЎЗбекистон республикаси олий ва ўрта махсус таълим вазирлиги абу райхон беруний номидаги

Қайтар ва қайтмас металл потенциаллари

Металл билан суюқликни ўзаро таъсир чегарасида ҳосил бўлган қуш электр қаватининг мувозанат ҳолатида, металлдан суюқликка ўтган барча металл катионлари қуш электр қаватида қатнашса, қайтар электрод потенциали барқарор топади, яъни потенциал қайтар бўлиб, металлда коррозия жараёни содир бўлмайди. Бундай ҳолат, кўпроқ металл ўзининг тузи эритмаси таъсирида бўлганда кўзатилади.

Кўпгина ҳолларда, металлар фақат ўзининг тузини эритмасида бўлмай, электролитдаги бошқа металл ионларнинг таъсирида ҳам бўладилар. Бундай ҳолларда, ҳосил бўлган турғун қуш электр қаватида, фақат металлдан эритмага ўтган барча катионлар қатнашмайди. Уларни ўрнига эритмадаги бошқа металл катионлари қатнашиб, қайтмас электрод потенциалини ҳосил қиладилар, яъни металлда емирилиш жараёни содир бўлади.
Юқорида келтирилган мулоҳазаларни чизма кўринишидаги ифодаси қўйидагича (9-расмга қаранг).

9-расм. Металларда қайтар ва қайтмас электрод потенциалларини ҳосил бўлиш чизмаси.
6-§ Электрокимёвий коррозия

0. 
   6.1. Электрокимёвий коррозия ва унинг содир бўлиш механизми
   

Электрокимёвий коррозия деб, металларнинг ток ўтказувчи муҳит (электролитлар) билан ўзаро электрокимёвий жараёнлар натижасида, ўзича секинлик билан емирилишига айтилади. Ток ўтказувчи мухит вазифасини: кислота, ишқор ва тузларнинг сувли эритмалари бажарадилар (электролитлар).

Металларнинг электрокимёвий емирилиш жараёни гальваник элементнинг ишлаш механизмига ўхшаш бўлади, яъни бир – биридан фарқ қилувчи 2 та металл электродини электролитга солиб, уларни бир бири билан ташқи занжир орқали туташтирилса, электр юритувчи куч (ток) ҳосил бўлади. Электролитга туширилган металл электродларининг кимёвий активлиги бир – биридан фарқ қилишлиги сабабли, кимёвий активлиги юқори бўлган металл электрода анод вазифасини, активлиги паст бўлган металл электроди эса, катод вазифасини бажаради. Анод металида оксидланиш ( ) жараёни содир бўлиб, ҳосил бўлган электронлар ташқи занжир орқали катод электродига оқиб ўтади. ҳосил бўлган Металл ионлари эса электролитга ўтиб, у орқали катод электроди томон ҳаракатланади. Катодда қайтарилиш жараёни содир бўлади. Бу жараёнларнинг тўхтовсиз давом этиши, анод металлининг емирилишини содир этади. Оддий гальваник элементнинг тузилиши 10 – Расмда келтирилган.
Бу гальваник элементда анод вазифасини бажарувчи рух (Zn) электроди ZnSO₄ эритмасига, катод вазифасини бажарувчи мис (Cu) электроди эса, CuSO₄ эритмасига туширилган.
Рух (ZnSO₄) ва мис (CuSO₄) сульфат эритмалари, ғоввак тузилишдаги материал ёрдамида ажратилган.

10 – Расм. Гальваник элементни ишлаш чизмаси.

Рух электродини оксидланиши оқибатида рух атомлари ионларга парчаланади ( ), ҳосил бўлган электронлар ташқи занжир орқали мис электродига (катодга) оқиб келадилар. Бу электронларни эритмадаги мис иони (Сu²⁺) бириктириб, қайтариш жараёнини содир этадилар. Гальваник элементни ишлаш жараёнида эритмадаги манфий ионлар ишлар (анионлар ) анодга, мусбат ионлар (катионлар Zn²⁺, Cu²⁺) катод томон ҳаракатланадилар. Юқорида таъкидлаганимиздек, гальваник элементни ишлаши давомида руҳ (Zn) электродининг емирилиши содир бўлади.

0.