Ўзбекистон республикаси олий ва махсус таълим вазирлиги

қайта пресслаш ва қиздириб бириктириш, мойлаш 
материалларни ѐки махсус металл ва қотишмаларни хомакига 
сингдириш, термик ва кимѐвий террмик ишлов бериш
каби усуллар 
қўлланилади. Қайта пресслаш ва қиздириб бириктириш юқори зичликка ва 
коваксизликка эришиш имконини беради. Орасида ўтказилган термик 
юмшатиш нисбатан кичик босим ѐрдамида хомаки доналарида зўриқишларни 
йўқотади, зичланишни оширади.
Қиздириб бириктирилган хомакиларни деярли ҳамма механик ишлов 
бериш усуллар билан ишлаш мумкин. 
 
5
.4. КУКУНЛИ МАТЕРИАЛЛАРДАН ТАЙЁРЛАНГАН ХОМАКИЛАР 
КОНСТРУКЦИЯСИГА ҚЎЙИЛАДИГАН ТАЛАБЛАР 
Кукунли материаллардан тайѐрланадиган деталларни ишлаб чиқариш 
технологик жараѐнларнинг хусусиятларини назарда тутиб, хомакиларни 
лойиҳалашда қуйидагиларни ҳисобга олиш керак: 

детал шаклини соддалаштириш;

деталларнинг ѐн томонларида чуқурликларга, доира ариқчаларга, 
тескари конусликлигига ва пресслаш ўқига параллел бўлмаган тешикларга 
йўл қўймаслик керак; 

юпқа девор, тор ариқча, ўткир бурчак ва ҳ.з. лардан сақланиш керак; 

қалинлиги ва диаметри бўйича ўзгариш иложи борича кам бўлиш 
керак; 

квадрат ва тўртбурчак кесимлар ўрнига доира кесимларга интилиш керак; 

ташқи бурчакларнинг радиуслари 2,5 мм дан, ички бурчакларнинг 
радиуси 0, 25 мм дан кичик бўлмаслиги керак; 

---

91 

совуқ ҳолда пресслаб кейин қиздириб бириктириш жараѐнида 
қуйидаги аниқликка эришиш мумкин: радиал ўлчамлари учун 0,03...0,05 мм, 
вертикал ўлчамлари учун – 0,12 мм; 

қиздириб бириктирилган деталлар юзаларининг ғадир-будурлиги 
силлиқланган юзаларнинг ғадир-будурлигига тенг; 

деталнинг баландлиги (узунлиги) диаметридан беш марта катта бўлса 
буюмлар бир жинслигини йўқотиш мумкин, металлнинг юқори бир 
жинслигига эришиш учун узунликни диаметрига нисбати уч мартага 
ошмаслик керак; 

ишланадиган деталларнинг юқори мутаҳкамлигига эришиш учун 
мураккаб технологик жараѐнларни қўллаш керак: икки ѐки уч марта 
пресслаш жараѐни, калибрлаш, иссиқ ҳолда ҳажмий штамплаш ва ҳ.з. 
Аниқлиги юқори деталлар учун механик ишлов беришга қўйим 
қолдирилади. Ташқи ва ички резбаларни кесиб ишлаш лозим. Детал 
конструкциясида пресслаш ўқига тик бўлган ариқчалар, тешикларни 
режаламаслик керак. Буларни ўрнига пресслаш ўқи бўйлаб йўналган 
ариқчалар, тешиклар белгиланади ѐки улар кесиб ишлаш йўли билан 
олимнади. Тор ва узун ариқчалар ўрнига конструкцияни бикрлиги ва 
мустаҳкамлигини оширувчи элементлар белгиланади. Пресслаш жараѐнида 
деталлар ўлчамлари кичраяди, шунинг учун деталларни деворлари бир хил 
қалинликка эга бўлиши керак, бу детал кийшаймаслигига ва дарз 
кетмаслигига олиб келади. 
Детал деворларнинг қалинлиги унча катта фарқ қилмаса пресслаш 
натижасида зичлиги бир хил ѐки яқин бўлган буюм ишлаб чиқирилади. Узун 
юпқа деворли деталларни лойиҳалашда ушбу талабни ҳисобга олиш лозим. 
Девор қалинлиги 1,0 ммдан кичик бўлмаслиги керак. Пресс формадан тайѐр 
буюмни бемалол олиш учун деталл деворларида кичик конуслик бўлиш 
керак. Конус деворларда тескари конуслик бўлиши мумкин эмас. 
Туташадиган деворларнинг радиуслари 0,2 мм дан кичик бўлмаслиги керак.