Ўзбекистон Республикаси Олий ва махсус ўрта таълим вазирлиги олий ўқув юртларининг талабалари учун дарслик сифатида тавсия этган

15-расм. Қатлам қалинлиги бўйича концентрациянинг ўзгариши.
1-газ; 2-қаттиқ реагент; 3-газнинг чегара қатлами;
Юзани кенгайтириш усулларини тўртта синфга бўлиш мумкин:

1. 
   Аппарат токчаларидаги қаттиқ заррачаларни механик аралаштиргичлар билан аралаштириб туриб газ ёки суюқлик билан ювиш. Аралаштирилганда юза янгиланади ва таъсирлашув яхшиланади.
   
2. 
   Майдаланган қаттиқ заррачаларни суюқлик ёки газнинг умумий ҳажмида (оқимида) бўйича аралаштириш. Газ-қаттиқ, суюқ-қаттиқ системалар учун майда дисперсликка эга бўлган заррачалар турбулент оқимга ёки суюқлик билан бирга узатилади.
   
3. 
   Газ ёки суюқлик оқимини панжара устига жойлаштирилган қаттиқ материал бўлакчалари ёки гранулалари орқали ўтказиш. Бунда газ ёки суюқлик оқими гранула ёки қаттиқ материал бўлакчаларини ювади. Ювулувчи қатлам газ ёки суюқлик оқими таркибидаги қаттиқ заррачаларни ўзида ушлаб қолади.
   
4. 
   Мавҳум қайнаш қатламида аралаштириш. Мавҳум қайнаш қатлами майдаланган заррачалар қаватидан газ ёки суюқликни пастдан тепага жуда катта тезлик билан берилаётган пайтда ҳосил бўлади. Бунда заррачалар суюқлик ёки газда сакраб, сузиб ўша қатламни тарк этмайди. Гидродинамик таъсирлашувга кўра қайнаш қатлами Г-Қ системада худди кўпик қатламига ўхшайди. С-Қ система учун суюқликнинг чизиқлик тезлиги бўлгани сабабли (секундига бир неча мм дан 10-30 см гача) бу системада мавҳум қайнаш қатлами ишлаб чиқиришда кам қўлланади.
   

III БОБ
КИМЁВИЙ РЕАКТОРЛАР
Реакторнинг иш режимига ундаги реакцияга киришаётган маҳсулотларнинг аралашиш даражаси таъсир этади. Тўлиқ аралашиш параметрларнинг ўзгармаслигини таъминлайди. Идеал сиқиб чиқаришда ҳарорат реакцион ҳажмнинг баландлиги бўйича ўзгаради.
Натижада тезлик константаси k ва реакция тезлиги _ ўзгаради. Идеал сиқиб чиқарувчи ва тўлиқ аралаштирувчи реакторлар моделини ўзаро таққосланганда шартли равишда ҳарорат ва мос равишда тезлик константаси ҳамма турдаги реакторлар учун доимий қабул қилинган. Ҳароратнинг таъсири алоҳида кўриб чиқилади.