Ўзбекистон республикаси олий

Адилов Ш.Қ.	Халқ тиббиёти, реабилитология ва жисмоний тарбия кафедраси доценти

Рецензентлар:

Ҳамраев А.А.	ТТА 2-УАШ ва эндокринология кафедраси мудири, т.ф.д.
Агзамова Ш.А.	ТошПТИ амбулатор тиббиёти ва реабилитология кафедраси доценти

Фаннинг ишчи дастури “Касбий таълим”, “Даволаш иши” йўналишлари бўйича ўқув дастури ва ўқув режаси асосида тузилган, Тошкент тиббиёт академияси Илмий-услубий кенгаши йиғилишида муҳокама қилинган, 2013 йил «_________»даги «____»-сонли мажлис баёни билан маъқулланган.


КИРИШ
1.1.Таълим бериш мақсади ва вазифалари
Таълим бериш мақсади.
Фанни ўқитишдан мақсад – талабаларнинг реабилитология соҳасидаги, беморларни кайта тиклаш жараёнидаги роли ва аҳамияти ҳақидаги билим савиясини ошириш. Шифокорларнинг касбий маҳоратини яхшилашда, қайта тиклаш дастурини комплекс асослари бўйича ўз билимларини оширишга қаратилган бўлиб, ўз ичига физикавий усуллар, шифобахш жисмоний тарбия, массаж, мануал терапия, рефлексотерапия, ноанаънавий усулларини олган ҳолда, уларни касалликни муваффақиятли ва ўз вақтида даволашда, қайта тиклашда ва олдини олишда қўллашга қаратилган.
Таълим бериш вазифалари
Турли касалликларида шифохона, шифомаскан ва амбулатор шароитида беморларни тиббий реабилитациясида физотерапевтик усулларни, жисмоний реабилитация воситаларни ва қўшимча ноаънавий даволовчи тадбирларини биргаликда қўлланишини ўргатиш. Аҳолининг соғлиғини мустаҳкамлаш, ижтимоий ва маиший шароитларга мослашишини (адаптациясини) яхшилаш тадбирларни билиш. Реабилитациянинг мақсади ва вазифалари: бузилган функцияларни қайта тиклайдиган ва компенсация қиладиган махсус усулларини ишлаб чиқиш, турғун ногиронликни ва асоратларни бартараф қилиш. Физиотерапия ва шифобахш жисмоний тарбия усуллари касалликни даволаш вақтини қисқартиришда ва асоратларни олдини олишда қўлланилиши долзарб масала деб ҳисобланади. Чунки юқоридаги услубларни қўлланилиши асосий даволовчи терапиянинг таъсирини кучайишига ва дори моддалардан кузатиладиган асоратларни олдини олишига имконият беради. Даволаш босқичини охирги этапи ҳисобланган санатор курорт муассасалари бемор организмининг функционал ҳолатини тикланишига ва уларни уй шароитига мослаштиришга имкон беради. Бу босқичда беморларни даволаш дори-дармонсиз табиий факторлар билан амалга оширилади.