Ўзбекистон республикаси олий

1.2.Ўқув таълими бўйича талаба билими, малакаси ва кўникмаларига бўлган талаб.
Талаба билиши керак.
- реабилитация ҳақида тушунча, унинг аспектлари ва принципларини;
- турли касалликларни даволашда физиотерапевтик муолажаларни ва шифобахш жисмоний тарбияни комплекс усулларда қўлланишини;
- муолажаларни танлашда умумий ва махсус кўрсатма ва моънеликларга риоя қилишни;
-даволаш муолажалар мажмуасини тузишда асосий ва ёндош касалликларни ҳисобга олишни, нормал ва патологик ҳолатларда физик омилларнинг хусусиятларини ва уларнинг организмга таъсир қилиш механизмини;
- соғломлаштириш мақсадида физиопрофилактик муолажаларни қўллашни;
-беморни асосий, ёндош касалликларини, кўрсатма ва қарши кўрсатмаларини ҳисобга олган ҳолда, касалликнинг аниқ нозологик турларида физик муолажаларнинг оптимал мажмуасини ишлаб чиқишни;
-касалликнинг турли босқичларида шифобахш жисмоний тарбия, рефлексотерапия, массаж, фитотерапия ва бошқа усулларини ўз вақтида қўллаш ва уларни бир бирига мослашни, соғломлаштириш, профилактика, санитария-гигиена тадбирларини ўтказишни;
- соғлом турмуш тарзини ташвиқот қилишни, касаллик турига қараб физик муолажаларни патогенетик даволаш комплексини тузишни, организмнинг жисмоний иш бажариш қобилиятини аниқлаш усулларини.
Талаба қуйидаги малакаларга эга бўлиши керак:
Даволаш, касалликнинг олдини олиш жараёнида, шунингдек ижтимоий ва жисмоний адаптацияда реабилитацион дастурларни ўз вақтида ва тўғри танлаш; физик муолажаларни организмга таъсир этиш механизмини, турли касалликларда даволаш, асоратларининг олдини олиш ва организмнинг қаршилигини ошириш мақсадида қўлланилишини, даволаш ва реабилитация даврида тўлақон комплекс тузиб, организмни соғломлаштиришда оқилона фойдаланишни, аҳолининг соғлиғини мустаҳкамлаш, ижтимоий ва маиший шароитларга мослашишини (адаптациясини) яхшилаш учун тадбирларни танлаш. Беморлар билан индивидуал машғулотлар обориш, шифокор-педагогик назоратини ўтказиш, беморлар билан индивидуал машғулотлар олиб бориш; физиотерапевтик муолажа усулларини мустақил бажариш, физиотерапевтик муолажаларга рецептларни аниқ ва тўғри ёзиш, физиотерапевтик аппаратларни муолажаларга тайёрлаш, бирламчи тиббий ёрдам кўрсатиш. Беморларга индивидуал реабилитация дастурини тузиш.