Ўзбекистон республикаси олий таълим, фан ва инновациялар вазирлиги нукус инновацион институти

6-MAVZU: Yangi O`zbekistonning ma`naviy yangilanish strategiyasi.
Yangi O'zbekiston – demokratiya, inson huquq va erkinliklari borasida umume'tirof etilgan norma va printsiplarga qat'iy amal qilgan holda, jahon hamjamiyati bilan do'stona hamkorlik tamoyillari asosida rivojlanadigan, pirovard maqsadi xalqimiz uchun erkin, obod va farovon hayot yaratib berishdan iborat bo'lgan davlatdir.
O'tgan tarixan qisqa davrda islohotlar tufayli erishgan natijalarimiz haqida uzoq gapirmoqchi emasman. Bu mavzuda mamlakatimiz hamda chet el ommaviy axborot vositalari orqali nufuzli davlat va siyosat arboblari, ekspert va tahlilchilarning fikrlari muntazam e'lon qilib kelinmoqda.
Biz – O'zbekiston fuqarolari jamiyatimizning siyosiy-huquqiy, ijtimoiy-iqtisodiy qiyofasi shiddat bilan o'zgarib, hayotimizda yangicha munosabatlar, yangi imkoniyat va qadriyatlar shakllanayotganini hammadan ham ko'proq his etmoqdamiz. Ayniqsa, “inson huquq va erkinliklari”, “qonun ustuvorligi”, “ochiqlik va oshkoralik”, “so'z erkinligi”, “din va e'tiqod erkinligi”, “jamoatchilik nazorati”, “gender tenglik”, “xususiy mulk daxlsizligi”, “iqtisodiy faoliyat erkinligi” singari fundamental demokratik tushunchalar va hayotiy ko'nikmalar hozirgi vaqtda real voqelikka aylanib borayotgani e'tiborlidir.


7-MAVZU: Mafkuraviy profilaktika – yosh avlodni
g‘oyaviy himoyalash omili.
“Mafkuraviy profilaktika – yosh avlodni g‘oyaviy himoya qilishning ilmiy-amaliy konseptual asosi” deb nomlangan birinchi bobining “Yosharni g‘ayriinsoniy g‘oyalardan qonuniy tarzda himoya qilish zaruriyati” deb nomlangan birinchi paragrafida yosharning jamiyat hayotidagi o‘rni falsafiy jihatdan tahlil qilinib, ularning ongini zaharlovchi g‘oyaviy-mafkuraviy tahdidlarning mavjudligi, ularning o‘zbek xalqini mustaqillikdan mahrum qilishdan iborat bo‘lgan manfur maqsadlarining sir-asrorlari ochib berilgan.
Bugungi kundagi dunyoning mafkuraviy manzarasi butun insoniyat oldiga keng imkoniyatlar eshigini ochmoqda. Bu, bir tomondan, taraqqiyot deb nomlansa-da, boshqa tomondan insoniyatni misli ko‘rilmagan xavf-xatarlarga ham duchor qilmoqda.
Ushbu tahlikali jarayon ota-onalar, keng jamoatchilik, umuman, barchani hushyor etishi va ogohlikka chorlashi lozim. Chunki yoshar har qanday davlatning kelajagi hisoblanadi. Shunday ekan, ularni begonalar qo‘liga bermasdan tarbiyasi bilan, albatta, o‘zimiz shug‘ullanishimiz lozim.