Ўзбекистон республикаси олии таълим вазирлиги андижон давлат университети проектив методикалар тўплами

ЎЗБЕКИСТОН РЕСПУБЛИКАСИ ОЛИИ ТАЪЛИМ ВАЗИРЛИГИ


АНДИЖОН ДАВЛАТ УНИВЕРСИТЕТИ

ПРОЕКТИВ МЕТОДИКАЛАР ТЎПЛАМИ

Психологлар учун қўлланма

АНДИЖОН– 2021

Ушбу китоб Андижон давлат университети ўқув-услубий кенгашининг 2021 йил 14 мартдаги 8-сонли йиғилишида нашрга тавсия этилди.

Такризчилар:

.Г.Тожибоева – психология фанлари номзоди, доцент.
.Т.Сулаймонова – психология фанлари номзоди

Тузувчилар:

Б.Н.Шамсиддинов- психология кафедраси ўқитувчиси
М.Х.Қуваталиев- психология кафедраси ўқитувчиси

Қўллаимада шахснинг ички дунёсидаги ўзи англамаган. онг остида ётган холатларни диагностика киладиган методикалар тўпланган. Йиғилган тестлардан катталар ва болаларни диагностика килишда фойдаланиш мумкин. Ҳамда ушбу тестлар шахсни ўз-ўзини билишига ва ўзини ўзи англашига ёрдам беради.

Ушбу рисолада тўпланган тестлардан психология сохасида ўқиётган талабалар, амалиётчи психологлар ўз фаолиятларида кенг фойдаланишлари ва хар бир кизиккан одам ўзини тахлил килишда кўлланиши мумкин.
КИРИШ

Кундалик ҳаётингиз давомида сиз ўз танловингизнинг тўғрилигига кўпинча ишончсизлик билан қарайсиз. Балки касб танлашда ёки ўзингизга турмуш ўртоғи танлашда, эҳтимол дўст танлашда адашгандирсиз. Бу каби иккиланишлар сизни доим ҳар бир нарсага шубҳа билан қарашга мажбур этади.

Қолаверса, одам ҳар доим ҳам ўз руҳий холатини ва психологик сифатларини тўғри тавсифлаб бера олмайди, бунга интилмаслиги ҳам мумкин. Чунки ўз ўзини таҳлил қилиш одамда мавжуд айрим комплекслар туфайли чеклаб қўйилган бўлиши мумкин. Алоҳида таъкидлаш лозимки, ҳар доим ҳам атрофдагиларнинг фикрига таяниб бўлмайди. Чунки у киши сизга тобе ёки сизга ижобий хислатларини намоён этадиган бўлса, у фақат сизни яхши жиҳатларингизни кўрсатишга уринади, аксинча бўлса, у фақат сизни салбий жиҳатдан тавсифлашга ҳаракат қилади. Ушбу ҳолатлардан келиб чиқадигин бўлсак, турли шароитларда сизга тестлар ёрдам бера олади.
Тестлар нисбатан узоқ тарихга эга бўлмаган кашфиёт бўлсада, ҳозирги кунга келиб тестлардан инсон ҳаёт фаолиятининг турли соҳаларида фойдаланиб келинмоқда.
Мазкур қўлланмада сизга таклиф этилаётган тестлар ўзига хос хусусиятга эга бўлиб, улар кўпроқ ботиний жиҳатларингизни аниқлашга ёрдам беради. Бошқача қилиб айтганда, улар кўпроқ проектив характерга эга тестлар жумласига киради.
Ушбу тестлар ечилиши осон ва енгил бажариладиган тестлар бўлганлиги сабабли уларни қўллаш нафақат шахсни ўзини ўзи билишида, балки мутахассис психолог томонидан шахсга психологик тавсиф беришда ҳам қўлланилиши мумкин. Шуларни инобатга олган холда қўлингиздаги китобча амалиётчи психологлар, таълим муассасаси педагоглари, тарбиячилар, маҳалла психолог - педагоглари фаолиятини осонлаштиришга ёрдам берадиган қўлланма бўлиши мумкин.
Ушбу рисола инсон шахсини билишга ёрдамлашадиган қўлланма эканлигига ишонч ҳосил қиласиз.