Zbekiston respublikasi navoiy kon-metallurgiya kombinati

3. R-329 rusimli yakka qo‘shaloq o‘zgarmas tok ko‘prigi
3.3-rasmda R-329 rusimli yakka qo‘shaloq o‘zgarmas tok ko‘prigi sxemasi keltirilgan.
R-329 rusimli ko‘prik 10^-8 dan 10⁺⁶ Ω gacha bo‘lgan qarshiliklarni o‘lchash uchun mo‘ljallangan. O‘lchash xatoligi ko‘prikning o‘lchash chegarasiga bog‘liq bo‘lib, 0,05 dan 2 % gacha bo‘ladi.
Solishtirma elkasi R₁ beshta dekadali magazin qarshiliklaridan iborat: 10x100; 10x1; 10x0,1; va 10x0,01 Ω.
Nisbiy elkalarning (R₂ va R₃) har qaysisi to‘rttadan; 10, 100, 1000 va 10000 Ω qarshiliklaridan tuzilgan.
Namunaviy qarshilik R_o blokiga ikkita: 1 va 0,001 Ω qarshilik kiradi.
"Qo‘pol ” (“Grubo”) tugmachasi bosilganda nol ko‘rsatkich bilan ketma - ket 51 kΩ li qarshilik ulanadi. “Aniq” (“Tochno”) tugmachasi bosilganda nol ko‘rsatkich sxemasiga bevosita ulanadi. Nol ko‘rsatkichning tinchlanishi “Tinchlanish” (“Uspokoenie”) tugmachasi yordamida amalga oshiriladi.
Ko‘prikning sxemasi kichik Ω li qarshiliklarni o‘lchashda ichki va tashqi namuna qarshiliklaridan foydalanishga imkon beradi.

3.3-rasm. R-329 rusimli yakka qo‘shaloq o‘zgarmas tok ko‘prigining sxemasi.

Namuna qarshilik qiymatini o‘zgartirib, ko‘prik o‘lchash chegarasini o‘zgartirish mumkin. Namuna qarshiliklarning bloki to‘rtta tugmachaga: ikkitasi I₁ va I₂ toklar, ikkitasi V₁ va V₂ potensiallarniki, hamda namuna qarshiligini sxemaga ulovchi shtepselli kolodkaga ega. Namuna qarshiliklaridan o‘tuvchi tokning qiymatlari: 0,5 A (R_N=1 Ω) va 32 A (R_N=0,0001 A)

III. Ishning mazmuni

1. 
   R-329 rusimli yakka qo‘shaloq ko‘prikning tuzilishi va ishlash
   

prinsipi bilan tanishish.
2. Asbobning texnik ma’lumotlari bilan tanishish va ularni I-jadvalga yozib olish.
3. YAkka ko‘prik bilan qarshiliklarni o‘lchash uchun sxemani yig‘ish (3.4-rasm) va belgilangan qarshiliklarni o‘lchash (o‘lchash natijalarini 2-jadvalga yozing).
4. Namuna qarshilik R₀ =1000 yoki 10000 Ωni o‘lchab, yakka ko‘prikning xatoligini aniqlash.
5. Qo‘shaloq ko‘prik bilan qarshilikni o‘lchash uchun sxemani yig‘ish (3.5-rasm) va berilgan qarshiliklarni o‘lchash (o‘lchash natijalarini 3-jadvalga yozing).
6. Namuna qarshilik R₀=0,1 Ω ni o‘lchab, qo‘shaloq ko‘prikning xatoligini aniqlash.
7. Ko‘prikning sezgirligini aniqlash.