Zbekiston respublikasi mudofaavazirligi

Bitimda ishtiroki boshlashi

Finlandiya	May 1994
Shvetsiya	May 1994
Turkmaniston	May 1994
Qirg‘iziston	Iyun 1994
Rossiya	Iyun 1994
O‘zbekiston	Iyul 1994
Belarus	Yanvar 1995
Avstriya	Fevral 1995
Shveysariya	Dekabr 1996
Irlandiya	Dekabr 1999
Tojikiston	Fevral 2002
Serbiya	Dekabr 2006
Malta	Aprel 1995 (1996 oktyabrigacha); aprel 2008

O‘zbekiston va NATO o‘rtasidagi hamkorlik 1994-yil 13-iyulda tasdiqlangan NATOning „Tinchlik yo‘lida hamkorlik“ dasturining doiraviy bitimiga muvofiq, hamda 1996-yildan boshlab har yil ishlab chiqariladigan hamkorlikning muhim sohalarini qamrab oladigan (harbiy ta’lim, mudofaa siyosati, terrorizmga qarshi kurash, ilmiy izlanishlar, favqulodda holatlarda fuqarolar muhofazasini ta’minlashni rejalashtirish) sherikchilik bo‘yicha individual dasturlar doirasida amalga oshiriladi.

O‘zbekiston va NATOning EAHK doirasidagi maxsus yig‘ilishlarida, jumladan EAHKning tashqi ishlar va mudofaa vazirlari, elchilar, siyosiy qo‘mitalar, oliy harbiy-siyosiy qo‘mitalar, „Tinchlik yo‘lidagi fan“ bo‘yicha Qo‘mitasi va fuqarolar muhofazasi bo‘yicha Qo‘mitasi yig‘ilishlarida ishtirok etib kelmoqda.

Xalqaro ilmiy-texnikaviy hamkorlikni rivojlantirishda NATOga a’zo mamlakatlar bilan hamkorik, ya’ni NATOning fan qo‘mitasi alohida ahamiyat kasb etadi. So‘nggi yillardagi O‘zbekistonning NATOga a’zo davlatlar bilan hamkorligi tajribasi uning juda samarali ekanligini ko‘rsatmoqda. Hozirgi paytda O‘zbekistonda NATO bilan informatsion texnologiyalar, tibbiyot va boshqa qator loyihalar amalga oshirilmoqda. 2007-yil may va 2008-yil oktyabr oylarida NATOning fan qo‘mitasi raisi K.Uspelerning O‘zbekistonga tashrifi hamkorlikning yanada yangi bosqichlarga ko‘tarilishiga turtki bo‘lgan.

2008-yil 3 aprelda O‘zbekiston Respublikasi Prezidenti I.A.Karimov NATO Bosh kotibi Ya.Sxefferning taklifiga binoan NATO/EAHKning Buharest shahridagi sammitida ishtirok etdi va Afg‘onistonda barqarorlikni ta’minlash maqsadida „6+3“ guruhini tashkil etish tashabbusini ilgari surdi.

O‘zbekiston va NATO o‘rtasidagi ikki tomonlama aloqalarni rivojlanish masalalarini muhokama qilish maqsadida Markaziy Osiyo va Kavkaz mamlakatlari bo‘yicha NATO Bosh kotibining maxsus vakili R.Simmons Respublikaga bir necha bor tashrif buyurgan.