Ўзбекистон Республикаси Молия вазирлигига

Ўзбекистон Республикаси
Молия вазирлигига

Тошкент вилояти Бекобод шаҳар тиббиёт бирлашмасида Ўзбекистон Республикаси Вазирлар Махкамасининг 2017 йил 4 апрелдаги 174-сон қарорига асосан хозирги кунга қадар аҳолига тез ва сифатли тиббий хизмат кўрсатиш мақсадида тиббиёт ходимлари малакаси ошириб келинмоқда.

Тиббиёт ходимлари малакасини ошириш билан бирга малака ошириш курсларига юборилган ходимлар томонидан хақли эътирозларни келтириб чиқармоқда.
Ўзбекистон Республикаси Молия вазирлиги (2003 йил 24-июлда
83-сон) ва Ўзбекистон Республикаси меҳнат ва аҳолини ижтимоий муҳофаза қилиш вазирлигининг (2003 йил 24-июлда 7/12-сон) қўшма қарори билан тасдиқланган ва Ўзбекистон Республикаси адлия вазирилигида 2003 йил
29 августда 1268-сон билан рўйхатидан ўтказилган “Ўзбекистон Республикаси ичкарисидаги хизмат сафарлари тўғрисида йўриқномани тасдиқлаш ҳақида” ги қарорга йўриқноманинг 1-бандида, хизмат сафари деб ходимни ташкилот, муассаса, бирлашма корхона раҳбаринин фармойишлари бўйича ўзининг доимий иш жойида ташқарида хизмат топшириғини бажариш учун бошқа жойга, маълум бир муддатга юборилиши (бориб келиши) тушунилиши шу билан бирга, Ўзбекистон Республикаси Вазирлар Махкамасининг “Тиббиёт ходимлари малакасини ошириш ва уларни қайта тайёрлаш тизимини такомиллаштиришга доир қўшимча чора-тадбирлар тўғрисида” 2017 йил 4 апрелдаги 174-сонли қарорининг 7-бандида, асосий ишидан ажралган ҳолда тиббиёт ходимлари малакасини ошириш курсларига юборилган тингловчиларнинг бутун ўқиш даврида асосий иш жойи бўйича ўртача ойлик иш ҳақи сақланиб қолинади; асосий ишидан ажралган ҳолда тиббиёт ходимлари малакасини ошириш курсига юборилган бошқа шаҳарлик тингловчиларга ўқиш жойига бир марта келиш ва кетиш, шунингдек, юборувчи томон ҳисобига яшаш харажатлари қонун ҳужжатларида белгиланган тартибда қопланиши кўрсатиб ўтилган.
Юқоридагилардан келиб чиқиб Сиздан тиббиёт ходимлари малакасини ошириш учун Ўзбекистон Республикаси Вазирлар Махкамасининг 2017 йил 4 апрелдаги 174-сон қарорининг 7-бандига асосан малака ошириш учун юборилган ходимларининг ўртача иш ҳақи сақланган ўқиш жойига бир марта келиш ва кетиш, шунингдек, юборувчи томон ҳисобига яшаш харажатлари қопланиши ёки қопланмаслиги, агарда қопланиши лозим бўлганда айнан тиббиёт ходимларини малакасини ошириш билан боғлиқ ўқиш жойига бориб келиш ва кетиш, юборувчи томони ҳисобига яшаш харажатлари Ўзбекистон Республикаси молия вазирининг 2010 йил 20 августдаги 65-сон “Бюджет таснифини қўллаш бўйича йўриқномани тасдиқлаш ҳақида”ги буйруғи билан тасдиқланган йўриқномага асосан қайси иқтисодий тасниф (тоифа, модда ва кичик модда, элемент) бўйича харажатлар амалга оширилиши юзасидан аниқлик киритишда амалий ёрдам беришингизни сўраймиз.