Ўзбекистон Республикаси Марказий банки пул-кредит сиёсатининг 2021 йил ва 2022-2023 йиллар даврига мўлжалланган асосий йўналишлари

Ўзбекистон Республикаси Марказий банки
 
ПУЛ-КРЕДИТ СИЁСАТИНИНГ 2021 ЙИЛ ВА 2022-2023 ЙИЛЛАР
ДАВРИГА МЎЛЖАЛЛАНГАН АСОСИЙ ЙЎНАЛИШЛАРИ
58
 
2.3. 
Пул-кредит сиёсатини амалга ошириш тамойиллари 
Марказий банк инфляцион таргетлаш режими доирасида иқтисодиётда 
нархлар барқарорлигини таъминлашга қаратилган пул-кредит сиёсатини 
амалга оширишда қуйидаги тамойилларга асосланади. 
Инфляция даражаси бўйича мақсадли кўрсаткичнинг эълон 
қилиниши ва унга эришишнинг устуворлиги
.
Инфляцион таргетлаш режими доирасида Марказий банк инфляция 
даражаси бўйича мақсадли кўрсаткич – таргетни 5 фоиз доирасида 
белгилади ва таргет даражаси кенг жамоатчиликка (аҳолига, бизнес 
вакилларига ва молия бозори иштирокчиларига) эълон қилди. 
Эндиликда, Марказий банк томонидан амалга ошириладиган барча 
саъй-ҳаракатлар, чора-тадбирлар ва пул-кредит соҳасидаги қарорлар 
инфляциянинг мақсадли кўрсаткичи – таргетига эришишга қаратилади.
Мақсадли кўрсаткичларга эришилиши иқтисодиёт субъектлари 
томонидан Марказий банк фаолиятини баҳолаш, умуман олганда, олиб 
борилаётган пул-кредит сиёсатига бўлган ишончни шаклланишининг асосий 
мезони ҳисобланади.
Шу нуқтаи назардан, макроиқтисодий соҳада қабул қилинаётган барча 
қарорлар инфляцион мақсадлар билан уйғун ҳолда қабул қилиниши ва 
Марказий банк фаолиятида инфляциянинг таргет кўрсаткичларига эришиш 
вазифаси бошқа вазифалардан устун аҳамият касб этиши лозим.
Марказий банк асосий ставкаси пул-кредит сиёсатини 
юритишнинг асосий инструменти ҳисобланади.
Марказий банкнинг 
асосий ставкаси – банк тизими ликвидлигини тартибга солиш бўйича 
банклар билан амалга ошириладиган операцияларда қўлланиладиган фоиз 
ставка ҳисобланиб, асосий ставка даражасини белгилаш орқали Марказий 
банк томонидан жалб қилинадиган ва тақдим этиладиган қисқа муддатли