Ўзбекистон Республикаси Марказий банки пул-кредит сиёсатининг 2021 йил ва 2022-2023 йиллар даврига мўлжалланган асосий йўналишлари

ДАВРИГА МЎЛЖАЛЛАНГАН АСОСИЙ ЙЎНАЛИШЛАРИ
18
 
2-
ҳавола 
 
Асосий озиқ-овқат маҳсулотларининг жаҳон бозоридаги 
нархлари динамикаси ва прогнозлари 
Жаҳон банки, БМТнинг Озиқ-овқат ва қишлоқ хўжалиги ташкилоти (ФАО), АҚШ 
қишлоқ хўжалиги департаменти ва бошқа хорижий етакчи илмий-тадқиқот марказлари 
томонидан жаҳон бозоридаги асосий озиқ-овқат маҳсулотлари нархлари динамикаси, 
ишлаб чиқариш ҳажмлари ва захиралари доимий равишда ўрганиб борилади. 
2020 йилнинг январь-октябрь ойларида асосий истеъмол товарлари нархлари 
ўзгарувчан тенденцияга эга бўлди. Бу асосан дунё бўйича гўшт, шакар, ёғ, буғдой ва 
гуруч маҳсулотларини ишлаб чиқариш ҳажми ва умумий талабнинг ўзгарувчанлиги 
ҳисобига шаклланди.
Гўшт маҳсулотлари 
ФАО ва Жаҳон банки маълумотларига кўра, 2020 йилнинг сентябрь ойида гўшт 
маҳсулотларининг 
нархлари 
умумий 
индекси 
август 
ойига 
нисбатан 
0,9 
фоизга, йил бошига нисбатан эса 14,2 фоизга пасайган. Бунда, 1 кг мол гўштининг 
жаҳон бозоридаги ўртача нархи 4,6 долларни, хусусан, Беларуссияда – 3,4 доллар, 
Росиияда – 3,7 доллар ва Қозоғистонда – 4,5 долларни ташкил қилди.
2020 йилнинг бошидан карантин чораларининг кучайтирилиши билан хизматлар, 
хусусан, умумий овқатланиш соҳасида иқтисодий фаоллик пасайиши ҳисобига аксарият 
давлатларда гўшт импортига талабнинг камайиши ушбу маҳсулотлар нархларини 
пасайтирувчи омил бўлди.
АҚШнинг қишлоқ хўжалиги департаменти таҳлилларига кўра, 2021 йилда 
Аргентина ва Австралияда гўшт маҳсулотларини ишлаб чиқариш ҳажмлари пасаяди. 
Бироқ, Канада, АҚШ, Бразилия ва Ҳиндистон давлатларида гўшт ишлаб чиқариш 
сезиларли даражада ошиши кутилмоқда. Умуман олганда, 2021 йилда жаҳонда гўшт 
ишлаб чиқариш хажми 2 фоиз, экспорт эса 3 фоизга ўсиши прогноз қилинмоқда.