Ўзбекистон республикаси қишлоқ ХЎжалиги вазирлиги

II.ТАДҚИҚОТ ЎТКАЗИШ ШАРОИТИ ВА УСЛУБИ
2.1.Тажриба ўтказиш жойи ва шароити.
Тадқиқот ишининг экспериментал тажрибалари 2022-2024 йиллар давомида Андижон вилоятининг Пахтаобод туманидаги шоличиликка ихтисослаштирилган фермер хўжалигида ўтказилади.
Республикамизнинг шоли етиштириладиган хўжаликларда шоли етиштириш учун ерларни экишга тайёрлашда қўлланиладиган технология ва техник воситалар ва илгари бажарилган илмий-тадқиқот ишларининг таҳлили мавжуд адабиётлар ва патентлар асосида ўтказилади.
Шоли етиштириш учун ерларни экишга тайёрлашлашда пол шакллантирадиган агрегатларнинг ишлаш шароитлари, уларнинг ҳолати ҳамда тупроқнинг физик-механик хоссалари мавжуд меъёрий ҳужатлар (ЎзДСт 3412:2019, ЎзДСт 3193:2017) асосида ўрганилади.
Назарий тадқиқотлар графоаналитик усулда назарий механика, олий математика, математик статистикани қўллаган ҳолда амалга оширилади.
Агрегат пол олгичининг параметрлари ва агрегат ҳаракат тезлигини тупроқнинг уваланиш даражаси, ҳосил қилинган полнинг сифати ва энергия сарфига таъсири ЎзДСт 3412:2019 ва ЎзДСт 3193:2017 меъёрий ҳужжатлар бўйича, техник-иқтисодий кўрсаткичлар эса РД Уз 63.03-98 бўйича аниқланади.
2.2.Тадқиқот мақсади, вазифаси ва обекти
Тадқиқотнинг мақсади. Ўзбекистон шароитида шоли экиладиган майдонларга пол олишни амалга оширадиган машина пол зичлагичининг тури ва ўлчамларини асослаш.
Тадқиқот вазифалари: Қўйилган мақсадни амалга ошириш учун қуйидаги вазифалар қўйилган:

• 
  шоли экиладиган майдонларни экишга тайёрлашнинг ҳозирги ҳолати, пол олишнинг меХанизациялашган технологияси ва уни амалга оширадиган машиналарнинг иш жараёнларини тахлил қилиш орқали пол олишнинг механизациялашган технологияси ва унга қўйилган агротехника талабларини ишлаб чиқиш;
  
• 
  шоли экиладиган майдонларга пол оладиган машина пол зичлагичининг тури ва схемасини танлаш бўйича тадқиқотлар олиб бориш;
  
• 
  пол олиш машинасининг пол зичловчи мосламасининг ўлчамларини назарий асослаш бўйича тадқиқотлар олиб бориш;
  
• 
  пол зичловчи мосламанинг ўлчамларини асослаш бўйича экспериментал тадқиқотлар олиб бориш;
  
• 
  ишлаб чиқилган пол зичлагич иш органи билан жихозланган пол шакллантирувчи машинани хўжалик синовларидан ўтказиш ва иқтисодий самарадорлигини аниқлаш.