Ўзбекистон Республикаси Инновацион ривожланиш вазирлиги

II. Танловнинг асосий мақсад ва вазифалари

7. Ўзбекистон республикаси Президенти Ш.Мирзиёевнинг Ўзбекистонда янги бир уйғониш – Учинчи Ренессанс даврига оид фикрларининг мазмун – моҳиятини кенг ўрганиш ҳамда тарғиб этиш орқали ёшларни жамиятда олиб борилаётган ижтимоий-сиёсий жараёнлардаги фаоллиги, интелектуал салоҳиятини ривожлантириш, илмий тадқиқот ишларини фаоллаштириш, уларнинг мафкуравий иммунитетини мустаҳкамлашдан иборат.

8. Танловнинг вазифалари:
танлов иштирокчиларинининг мустақил фикрлаш қобилиятини ривожлантириш;
олий таълимда сифатли билим олишини ташкил этишда талабаларнинг шахсий мотивацияси (манфаатдорлиги)ни ошириш, шунингдек, ўқув жараёни ва методикасини ўзгартириш бўйича таклифлар тайёрлаш;
танлов иштирокчиларида юртимизда амалга оширилаётган ислоҳотлардан хабардорлик ва дахлдорлик ҳиссиётини ошириш;
талабаларнинг бўш вақтини мазмунли ташкил этиш ва яратилаётган шароитларга шукроналик туйғусини шакллантириш;
ёшларда аждодлар илмий меросига ҳурмат, миллий-маънавий, диний-маърифий қадриятларга садоқат руҳини кучайтириш;
тарихий хотира, юксак маънавият, халқнинг тарихий анъаналари, маданий меросига ҳурмат, мамлакатимиз мустақилликка эришганининг буюк тарихий аҳамяитини англаш каби фазилатларни шаклланьтиришга қаратилган ишлар самарадорлигини оширишдан иборат.

III.Номинациялар бўйича танловга тақдим этиладиган ишларга қўйиладиган талаблар

9. Танловда иштирок этиш учун ҳар бир номинация бўйича қуйидаги мазмундаги тақдимотлар тақдим этилиши мумкин:

Аждодлар меросини тарғиб қилишда инновацион ёндашув номинацияси бўйича:
аждодларимиз, хусусан, Биринчи ва Иккинчи ренессанс ва жадидчилик даврида яшаб ижод қилган алломаларимиздан қолган илмий-ижодий меросини аҳоли, айниқса ёш авлод ўртасида тарғиб қилишнинг самарали ва инновацион усулларини таклиф қилиш;
энг сара илмий-ижодий мерос намуналарини ёшларга содда ва тушунарли тарзда етказиш услубини таклиф қилиш;
аждодлар меросини ўзлаштириш ва улар асосида тадқиқот олиб бориш бўйича инновацион таклифлар.