7
I. “HOZIRGI O’ZBEK ADABIY TILI” FANIDAN YOZILADIGAN KURS ISHINING
UMUMIY TAVSIFI
1.1. “HOZIRGI O’ZBEK ADABIY TILI” FANIDAN KURS ISHI MAVZULARINING
BELGILANISHI
“Hozirgi o’zbek adabiy tili” fanidan kurs ishlari mavzulari mutaxassislik
kafedrasida O’zR DTS va fan bo’yicha tuzilgan namunaviy o’quv
dasturi asosida
belgilanadi va avval kafedrada, so’ngra fakultet ilmiy kengashida muhokama etilib
tasdiqlanadi.
“Hozirgi o’zbek adabiy tili” fanidan kurs ishi
mavzularini belgilashda
talabalarning ushbu fanga oid nazariy bilimlari va ko’nikmalarini hamda fan bo’yicha
umumiy qiziqishlarini e’tiborga olish lozim bo’ladi.
Ta’limdagi uzviylik va uzluksizlikni ta’minlash maqsadida kurs ishlari mavzularini
bitiruv malakaviy ishi mavzularining ma’lum bir bob (bo’lim)lari bo’yicha belgilash
maqsadga muvofiq. Masalan, “O‘zbеk tilshunosligida ergashgan qo‘shma gaplar
talqini” mavzusidagi bitiruv malakaviy ishining bir bobini “Hozirgi o‘zbеk adabiy tili”
fani bo’yicha “Ta’lim bosqichlari dastur va darsliklarida ergashgan qo’shma gaplarning
ilmiy talqinii” mavzuidagi kurs ishi sifatida bеrish mumkin. Shuningdek, bu muammoni
“O‘zbеk tili o‘qitish mеtodikasi” fani bo‘yicha “Ergashgan qo‘shma gaplar” mavzusini
o’tishda zamonaviy pеdagogik tеxnologiyalardan foydalanish” yoki “Ergashgan
qo‘shma gaplar” mavzusini o’tishda o’quvchilarni mustaqil fikrlashga o’rgatish”
mavzularidagi kurs ishi sifatida ham bеrish mumkin.
Albatta, ta’limda bu tarzda uzviylik va uzluksizlikning ta’minlanishi
talabaning
foydali ish koeffisеntini oshirishga yordam beradi, uning mavzuni yanada chuqurroq
va atroflicha o’rganishiga imkon yaratadi. Bu orqali ta’lim jarayonida fanlar bo‘yicha
mukammal kurs ishlarining bajarilishiga erishiladi.
8
“Hozirgi o’zbek adabiy tili” fanidan kurs ishi mavzulari
talabalar tomonidan
ixtiyoriy ravishda tanlanadi. Talabalar kurs ishi mavzusini tanlashda quyidagi
masalalarga jiddiy e’tibor qaratishlari lozim bo’ladi:
1. Talaba kurs ishi mavzusini tanlashda mavzuning hozirgi kunda dolzarbligi
darajasiga, tilshunoslikda qay darajada tadqiq etilganligi va mavzuga oid ilmiy-nazariy
manbalarning yetarli ekanligiga e’tibor qaratishi lozim.
2. Talaba kurs ishi mavzusini tanlashda mavzuga doir ilmiy tasavvuri va nazariy
bilimining mavjudligiga e’tibor qaratishi lozim.
3. Talaba kurs ishi mavzusini tanlashda mavzuni
yorita olish imkoniyati, bilimi,
qobiliyatining yetarli ekanligiga e’tibor qaratishi lozim.
4. Talaba kurs ishi mavzusini tanlashda mavzuga doir mavjud ilmiy manbalarni
to’liq o’rganib chiqish imkoniyatining mavjudligiga e’tibor qaratishi lozim.
Talaba kurs ishini o’zi izlanish olib borayotgan muayyan mavzu bo’yicha yozish
huquqiga ham ega. Buning uchun talaba mutaxasislik kafedrasiga o’z mavzusi va uning
rejasi haqidagi ma’lumotlarni taqdim etishi hamda kafedra muhokamasidan o’tkazishi
lozim bo’ladi. Mavzu kafedra tasdig’idan o’tgach, talaba “Hozirgi o’zbek adabiy tili”
fanidan mana shu mavzu bo’yicha kurs ishini yozish imkoniyatiga ega bo’ladi.
Kafedra va fakultet ilmiy kengashi tasdig’idan o’tgan
kurs ishi mavzulari
talabalarga semestr boshidayoq taqdim etiladi.
Do'stlaringiz bilan baham: