Ўзбекистон Республикаси Халқ таълими вазирлигининг 2011 йил

VI. Педагогика кенгаши ҳужжатлари

33. Педагогика кенгаши ҳужжатлари таълим муассасасининг иш юритиш ҳужжатлари билан бирга сақланади.

Педагогика кенгаши ҳужжатлари қуйидагилардан иборат:
баённома ва педагогика кенгаши кун тартибида муҳокама қилинган масалаларга оид материаллар.
Педагогика кенгаши ҳужжатлари муассасада уч йил давомида сақланади.

Ўзбекистон Республикаси Халқ таълими вазирлигининг 2011 йил 4 июндаги144 -сонли буйруғига 14-илова

Туман (шаҳар) Методика уюшмалари тўғрисида
НИЗОМ

Мазкур Низом мактабгача таълим муассасалари педагогик ходимларининг методик уюшмаси фаолиятини тартибга солади.

I.Умумий қоидалар

1. Ўзбекистон Республикаси худудидаги барча Туман (шаҳар) халқ таълими муассасалари фаолиятини методик таъминлаш ва ташкил этиш бўлими тизимида мактабгача таълим йўналиши бўйича Методика уюшмалари фаолият кўрсатади.

2. Методика уюшмаларининг мақсади мактабгача таълим муассасаларининг ҳар бир йўналиш бўйича турли ёш даврларига тегишли таълим фаолиятини мувофиқлаштириб, замонавий таълим-тарбия беришнинг инновацион ғоя ва янги илғор педагогик тажриба, ижодий ташаббусларни амалиётга татбиқ этиш, технологияларни ўрганиш ва кенг тарғиб қилиш., таълим муассасалари педагогларининг касб- маҳоратини оширишда мунтазам «Ўз ишининг устаси» ва маҳорат мактаблари, жойларда амалий машғулот, янги педагогик адабиёт, таълимий ва дидактик ўйин воситалари кўргазмаси, семинар- тренингларни ташкил этиш орқали методик ёрдам кўрсатадидан иборат.
3. Методика уюшмалари ўз фаолиятида Ўзбекистон Республикасининг «Таълим тўғрисида»ги Қонуни, Кадрлар тайёрлаш миллий дастури, «Мактабгача ёшдаги болалар ривожланишига қўйилладиган Давлат талаблари», «Мактабгача таълим Концепцияси», таянч дастури, Халқ таълими вазирлиги бошқарув органлари томонидан тасдиқланган бошқа меъёрий ҳужжатлар ҳамда ушбу Низомга амал қилади.