Ўзбекистон Республикаси Хал= таълими вазирлиги

5-мавзу: «Ака-ука, опа-сингилларга ҳурмат»
Болаларга оилада фарзандлар бир-бирлари билан иноқ-тотув, меҳрибон, ҳамкор ва ҳамдард бўлиб яшашларини тушунтириш. Ота-онани қандай ҳурмат қилсак, ака-опаларни ҳам шундай ҳурмат қилишга ўргатиш. Ака-опаларга «акажон», «опажон», «лаббай», «хўп бўлади», «буни мен қилай, сиз озгина дам олинг» каби сўзлар билан мурожаат қилиш кераклиги, бундай муомаладан ота-оналаримиз ҳам хурсанд бўлишини тушунтириш.


6-мавзу: «Қиз болаларга хос фазилатлар»
Қиз болаларга хос фазилатлар - уялмоқ, тортинмоқ, ўзини сипо тутиш, товушини баланд қилиб гапирмаслик, қаттиқ кулмаслик, ўтирганда этагини ёпиб ўтириш. Дилдаги ғазаб ва нафратини юзага чиқармаслик. Ишда, сўзда одобга риоя қилишни ўргатиш.
Қизларни саранжом-саришта бўлишга ўргатиш: ўйинчоқлар, китоблардан ва меҳнат қуролларидан эҳтиёткорлик билан фойдаланиш, буюмларни асраш, ардоқлаш кераклигини тушунтириш. Болаларда буюмларга нисбатан онгли муносабатни тарбиялаш. Мавзу буйича ҳикоя ва ривоят ўқиб, уни шарҳлаш.


7-мавзу: «Тозалик - бу саломатлик»
Болаларга тозалик-бу саломатлик деганини тушунтириш. Саломатликнинг бош мезони тоза, озода юриш экани, эрталаб уйқудан турганда юз-қўлларни ювиш, кейин сочиққа артиш. Ётиш олдидан тишларни тозалаш, қўл-оёқларни ювиш, сочиқ ва дастрўмолдан тўғри фойдаланишни тушунтириш. Болаларга қўл ювиш, тиш ювиш қоидаларини тушунтириш. Қўл, оёқ ва бадан учун фойдаланиладиган сочиқларни фарқлашга одатлантириш. Саломатлик ҳақида алломалар ўгитлари ва ривоятларидан ўқиб бериш.
8-мавзу: «Кийиниш одоби»

Кийиниш ҳам одобдандир. Кийимларни озода кийиш, саранжом- саришта сақлаш .Кийимларни мустақил ҳолда тартибли, ораста кийиб-ечиш, тугмасини тақиш, боғичларини боғлаш, оёқ кийимларни жуфтлаб, ўз жойига олиб қўйиш, ўзидаги тартибсизлик, пала-партиш кийинишни сезиб, уни катталар ёрдамида бартараф этиш.

9-мавзу: «Дастурхон одоби»
Болаларга тўғри овқатланиш тартибига риоя қилиш,овқатланишдан олдин, ҳожатхонага боргандан сўнг ва қўл ифлосланганда ювиш ҳақида тушунча бериш. Болаларга дастурхон атрофида ўтира билиш одоблилик белгиси эканлигини тушунтириш: дастурхонга қўл узатиш, овқат ейиш, чой узатиш ва сўзлашиш одоби, ота-онага дастурхондаги нозу-неъматлар учун миннатдорчилик билдириш. Дастурхон атрофида ўтиришнинг ўзига хос қоидаларини расмлар орқали изоҳлаш.
Мавзуга мос ҳикоя ва ривоятлар ўқиб бериш.