Ўзбекистон Республикаси Хал= таълими вазирлиги

6-мавзу: «Боғчадаги буюмлар бизники» 
Мақсад: Болаларга боғчадаги буюмларни эҳтиѐт қилиб сақлашлари, уларга зарар 
етказмасликларини тушунтириш. Доимо гуруҳ хонасини озода тутиш, ўйинчоқларга, китобларга, 
гулларга эҳтиѐткор бўлиш. Боғчадаги буюмлар бизники, уларни асраб-авайлашимиз кераклигини 
тушунишларига эришиш.
Кутилаѐтган натижа: 
Болалар боғчадаги буюмларни эҳтиѐт қилиб сақлашни ўрганадилар. 
Керакли жиҳозлар: Мавзу бўйича расмлар. 
Суҳбатнинг бориши: 

---

49 
Тарбиячи: Болалар, биз ҳар доим боғчамизга келганимизда кўпдан-кўп жиҳозларни кўрамиз. Боғча 
биноси, гуруҳлар хонаси, стол-стуллар, ўйинчоқлар, китоблар, гуруҳ хонасидаги барча жиҳозлар 
боғчаникидир. Бизнинг вазифамиз боғчадаги буюмларни эҳтиѐт қилиб сақлаш, зарар етказмаслик. 
Доимо гуруҳ хонасини озода тутиш, ўйингоҳларга, китобларга, гулларга эҳтиѐткор бўлиш. Боғчадаги 
буюмлар бизники, уларни асраб-авайлашимиз керак. Буви, буважонларимиз бизга доим: ―Ҳар нарса 
оздан кўпаяди‖,- деб насиҳат қиладилар. Ўйинчоқлар, китобларни, тувакдаги гулларни қанча 
эҳтиѐтлик билан асрасак, улар шунча кўпаяверади. Ўйинчоқлар ҳақида ѐд олган шеърларимиздан 
эслаб, айтиб берсак. 
Қўғирчоғим 
А.Рўзимуҳамедов 
Қўғирчоғим Лолахон, 
Малоҳати бир жаҳон. 
Юзида бордир холи, 
Жилмаяди иболи. 
Бўйнига тақдим мунчоқ, 
Қайрилма қош, қўғирчоқ. 
Уни қучиб ўйнайман, 
Мен боғчага келган чоғ. 
Уйга вазифа: 
Болаларга: 
Болалар, уйга борганда боғчадаги, уйдаги буюмларни эҳтиѐт қилиб сақлаш, уларга зарар 
етказмаслик кераклиги ҳақида билганларингизни гапириб беринг. Уйда, боғчада ўйинчоқларни 
эҳтиѐтлаб ўйнашга, китоб кўраѐтганда эҳтиѐтлик билан варақлаб кўришни, тувакдаги гулларга сув 
қуяѐтганда эҳтиѐткор билан сув қуйиш кераклигини билиб олганингизни гапириб беринг.
Эртага уйда ота-онангиз билан биргаликда меҳнат қилаѐтган вақтингизда суратга тушган бўлсангиз 
суратингизни олиб келинг. Кейинги машғулотда биз меҳнатсеварлик мавзусида суҳбатлашамиз. Ота-
оналарингизга уй ишларида ѐрдам беринг. Ота-онангизга қандай ишларда ѐрдам берганингизни менга, 
ўртоқларингизга айтиб берасиз. Биз доимо ота-оналаримизга уй ишларида кўмакчи бўлишимиз керак. 
Шунда ота-онамиз биздан хурсанд бўладилар. 
Ота-оналарга: 
Болалардан бугунги суҳбатда қандай мавзуни суҳбатлашганликларини сўраш. Улардан 
ўйинчоқларни қандай ўйнаш кераклигини, устозлари нималарни ўргатганликлари айтиб беришларини 
илтимос қилиш. Иложи борича болаларнинг уйда катталарга ѐрдам бераѐтган вақтларини суратга 
тушириш. Масалан, бола ҳовли супиряпти, гулга сув қуйяпти ва ҳокозо) Болалар билан 
меҳнатсеварлик ҳақида суҳбат ўтказишларини сўраш. Бу вазифанинг заминида келгуси суҳбат 
мавзусига болаларни тайѐрлаш, уларни суҳбатда фаол қатнашишга ундаш туради