Ўзбекистон республикаси халқ таълими вазирлиги мактабгача муассасалар ходимларини қайта тайёрлаш ва

Тетиклаштирувчи машқ 
Она товук ва жужалар 
Ўйинда бир гурух болалар катнашадилар. Она боши: она товук, жўжалар ва бургут 
танланади. Она боши – она товуқ жўжаларини дон териб ейишга чақиради. Она 
Товуқ: 
Чиқди товуқ сайрга 
Барра майса ўтлоққа, 
Сариқ жажжи жўжалар 
Эргашдилар товуққа, 
Қо-қо-қо-қо-қо-қо 
Кетманг аста узоққа 
Дон қидиринг емоққа 
Шу сўздан кейин жўжалар дон қидириб тарқалишади. Она товуқ эса уларнинг 
атрофида қо-қо-қо-қо-қо, деб қўриқлаб туради. Шу вақт катта бургут учиб келади. 
Учинг, қочинг жўжаларим 
Бургут учиб келди. 
Ушланган жўжа бургут ролини ижро этади.
Тарбиячи парандаларнинг расмларини кўрсатади. Болалар уларнинг 
номларини такрорлайдилар. 
Савод ўрганишга тайѐрлаш бўйича амалий машқ 
Мавзуга мос топишмоқлар айтиш. 
Болалар билимини текшириш ва мустаҳкамлаш учун саволлар : 
Бу расмда нималар тасвирланган? 
-Хўроз ҳақида шаклдаги белгиларга қараб гап тузинг. 
-Она товуқ ҳақида шаклдаги белгиларга қараб гапиринг. 
-Жўжа ҳақида шаклдаги белгиларга қараб гапиринг. 
-Қандай топишмоқлар айтдик? 
 
40-машғулот 
Мавзу: Асарни қайта ҳикоя қилиш «Иноқ қуѐнлар ” 
Мақсад: Асарни мазмунли, мантиқий изчилликда, аниқ ва тасвирий 
ифодалардан фойдаланган ҳолда ҳикоя қилишга ўргатиш 
Вазифалар: 

Боғланган нутқни ривожлантириш. 

---

58 

Нутқнинг ифодалиги тарбиялаш. 
Кутилаѐтган натижалар:

Болалар асарни қайта ҳикоя қилиб беришга ўрганадилар 

Нутқнинг ифодалиги тарбияланади. 
Керакли жиҳозлар: 

Мавзуга оид расмлар 
Машғулотнинг бориши. Болалар, ҳозир мен сизга иноқ, аҳил қуѐнлар 
ҳақида эртакни ўқиб бераман. Диққат билан эшитинг. Тарбиячи эртакни ифодали 
қилиб ўқиб беради. 
Иноқ қуѐнлар. 
Ўрмонда бир тулки бўлар эди. У қуѐнларга тинчлик бермасди. Кекса қуѐн 
деди: 
- Дўстлар, бизлар кўпмиз, тулки ѐлғиз, келинг уни бир қўрқитайлик. Қуѐнлар 
чакалакзорнинг орқасига бекиндилар. Тулки келганда баб-баравар: 
- Йўқол бу ердан! – деб қичқирдилар. Тулки қўрқиб ўз-ўзига деди: 
- Вой! қўрқиб кетдим, бу ерда бир йиртқич мени емоқчи бўлди. Унинг овози 
қандай қўрқинчли-а?! 
Шундан кейин тулки бу ўрмонга асло келмайдиган бўлди. 
Эртак бўйича саволлар беради. 
1. Қуѐнларга ким тинчлик бермас эди?
2. Кекса қуѐн нима деб маслаҳат берибди?
3. Қуѐнлар нима қилишди? 
4. Тулки қуѐнлар олдига яна келади деб ўйлайсизми? 
Тарбиячи эртакни яна бир бор ўқиб беради. Сўнгра 5-6 боладан эртакни 
ҳикоя қилиб беришларини сўрайди.