Ўзбекистон республикаси халқ таълими вазирлиги махмудхўжа беҳбудий номидаги самарқанд вилояти педагог кадрларни қайта тайёрлаш ва малакасини ошириш институти

Siyosiy partiya – (lotincha “rage” – qism, guruh; eski, o’zbekchasi, arabcha “firqa” – guruh, to’da) – umumiy g’oya va manfaat, ijtimoiy – siyosiy maqsadlar asosida odamlarni ixtiyoriy ravishda uyushtiruvchi turg’un tashkilot.

Suverenitet (frantsuzcha “souverainite” – oliy hokimiyat) – davlatning ichki va tashqi siyosatdagi to’la mustaqilligi.

Totalitarizm (“totalitare” – butunlik, to’lalik, mukammalik, “totalis” jami, to’la) – jamiyat hayotining barcha sohalarini davlat tomonidan to’la nazorat qilish, demokratik tashkilotlarni ta’qib qilish, konstitutsiyaviy huquq va erkinliklarni tugatish, har qanday shaxs, ijtimoiy qatlam, guruh manfaatlarini davlat manfaatlariga bo’ysuntirilishini talab qiladigan siyosiy g’oyalar tizimi va ular asosida shakllanadigan davlat tuzumi.

Terrorizm (lotincha. “terror” – qo’rquv, daxshat) – ma’lum yovuz maqsadlar yo’lida, kuch ishlatib, odamlarni jismoniy yo’q qilishdan iborat bo’lgan g’oyaga asoslangan zo’ravonlik usuli.

Fashizm (italyancha “fascismo” – bog’lam, birlashma) – G’arb mamlakatlarida XX asr boshlaridagi og’ir iqtisodiy, siyosiy va ma’naviy bo’hronlar davrida vujudga kelgan o’ta tajovuzkor va vayronkor g’oyalar asosida shakllangan g’ayriinsoniy nazariya va amaliyot.