Ўзбекистон республикаси халқ таълими вазирлиги а.ҚОдирий номли жиззах давлат педагогика

Ғоявий-сиёсий ва ватанпарварлик тарбияси. Ўқувчиларни ғоявий-сиёсий 
тарбиялашда фаннинг роли ниҳоятда каттадир. Маълумки, давлатнинг сиёсати инсон 
ҳаётини яхшилашга қаратилган. Буни амалга оширишда фан ва техника 
ютуқларининг аҳамияти беқиёсдир. Ўқувчиларга физика ва астрономиянинг кўпгина 
бўлимига ёки илмий техника тараққиётининг маълум бир йўналишининг 
тезлашишига давлат томонидан нима учун катта аҳамият берилаётгани, уларни халқ 
хўжалигини ривожлантиришдаги аҳамиятини тушунтириш лозим. Шу билан бирга 
фан ва техниканинг у ёки бу соҳасининг ривожланиши халқнинг турмуш даражасини, 
иш шароитларини яхшилашдаги ва маданий талабларини қонлиришдаги ролини 
кўрсатиб бориш орқали ўқувчиларни ғоявий-сиёсий жиҳатдан тарбиялаб борилади.
Ўқувчиларни ватанпарварлик ва байналминаллик руҳида тарбиялашда йирик 
олимларнинг, ихтирочиларнинг ҳаёти ва ижодини кўриб бориш, уларнинг илмий 
ихтиролари ҳақида ҳикоя қилиб, уларнинг ватанпарварлиги, фанга бўлган 
фидойиликлари устида тўхталиб ўтиш лозим. Физика дарсларида кўплаб 
олимларнинг, жумладан Паскаль, Попов, Эйнштейн, Рентген, Кюриларнинг, 
астрономия дарсларида ватандошларимиз Беруний, Ибн Сино, Улуқбек, Ал 
Хоразмийларнинг илмий фаолиятларини ёритиб бориш орқали фан ва техниканинг 
ватанпарварлик характерига эга эканлигини кўрсатиб бориш зарур. Бу эса 
ўқувчиларда дўстлик ва бошқа мамлакат халқларини ҳурмат қилиш ҳиссини 
шакллантиришга хизмат қилади. Масалан: реактив ҳаракатни ўрганиш вақтида 
космонавтиканинг ривожланиш босқичлари, унинг асосчиси К.Циолковский эканини 
айтиб ўтиш лозим. 

---

Ватанпарварлик ва байналминал тарбия билан боғланган ҳолда ўқувчиларни 
ватанни ҳимоя қилиш, ҳарбий техника ва қуролланишда физиканинг ролини, ҳарбий 
техникада ўлчашларни, катталикларни муҳим аҳамиятга эга эканлигини тушунтириб 
уларни ватанни ҳимоя қилишга тайёр бўлишларини шакллантириб бориш лозим.