Ўзбекистон республикаси энергетика ва электрлаштириш вазирлиги электр ускуналарини

17.2. КАБЕЛ АЛОҚА ТАРМОҚЛАРИ
17.2.1. Кабел алоқа тармоқларини юқори кучланиш билан синаш жараёнида синалаётган участка чекланган бўлиши зарур. Кабел алоқа тармоқларини синалмаётган участкаларида синаш кучланиши пайдо бўлишини олдини олиш учун синалаётган участка билан синалмаётган участка орасидаги ҳамма уловчи симлар синов жараёнида олиб қўйилган бўлиши шарт.
17.2.2. Изоляцияни электр мустаҳкамлигини синаш мобайнида кабел алоқа тармоқларини ҳар иккала томонида турган ходимлар орасида ўзаро алоқа бўлиши зарур.
17.2.3. Кабел алоқа тармоғини иккинчи томонига ўрнатилган телефон аппарата синаш ишларини бошлашдан олдин, ажратгич конденсаторлари (сиғими 0,1 мкф ва ишчи кучланиши 5-6 кВ) орқали алоқа учун мўлжалланган жуфт алоқа симининг ҳар бирига уланган бўлиши керак. Телефон аппарати ва конденсаторларни қудуқ, ёки чуқур ташқарисидаги диэлектрик резинали гиламча тўшалган тахта супада жойлаштириш зарур. Телефон орқали гаплашишни, фақат иш раҳбаридан чақириқ олинган такдирдагина кабелда синаш кучланиши йўқ бўлган пайтда амалга ошириш керак. Кабел алоқа тармоғини синаш жараёнида телефон аппарати ва унга уланган симларга тегиш ман қилинади.
17.2.4. Синаш жараёнида иш раҳбарини телефон аппарати алоқа тармоғидан узилган бўлиши керақ уни улаш эса, синаш ишлари тамом бўлгандан кейин ҳамда кабелдан электр заряди олингандан кейингина бажарилиши лозим.
17.2.5. Кабелга синаш кучланишини беришдан олдин, иш раҳбари телефон орқали бригада аъзоларини синаш ишлари бошланганлиги тўғрисида огоҳлантириши зарур.
17.2.6. Синаш жараёнида боксда ва кабелнинг ажратилган учларидаги симларда қайта улаш ишларини бажариш ва кабелга тегиш ман қилинади.
17.2.7. Кабел алоқа тармоқларида кўчма ўлчов асбоблари билан ўлчаш ишлари камида 2 ходим, бири IV группали, бошқаси III группали ходимлар томонидан амалга оширилиши лозим.
17.2.8. Ҳаво электр узатиш тармоқлари ва ўзгарувчан электр токи билан электрлаштирилган темир йўлнинг «Хавфли таъсири»-га учрайдиган кабел электр узатиш тармоқларидаги электр ўлчаш ишларини ҳи­моя воситалари қўллаб бажариш зарур.
17.2.9. Кабелларни занглашига қарши ҳимоя қурилмаларига ва дайди ток манбаларига ҳимоя қилувчи ускуналарни улаш ҳамда катод ускуналарида кучланишни олмай бажариладиган ишлар электр ҳимоя воситаларини қўллаб бажарилиши зарур.
Дренаж ускуналаридаги таъмирлаш ишларини бу ускуна контакт тармоғи тарафидан ва кабел ўчирилганидан кейин ҳамда дренаж кабели электрлаштирилган темир-йўл ёки трамвай контакт тармоғи томонидан ерга улангандан кейингина, бажаришга рухсат этилади.
17.2.10. Кабелни мўътадил ҳаво босими остида сақлаб турувчи компрессор-Сигнал ускуналарини эксплуатация қилиш Давлат техника Назорати тасдиқлаган «Босим остида ишлаётган идишларни тузилиши ва хавфсиз эксплуатация қилиш қоидалари»-га асосан олиб борилиши шарт.