Ўзбекистон республикаси экология ва атроф-муҳитни муҳофаза қилиш давлат қЎмитаси

ЎЗБЕКИСТОН РЕСПУБЛИКАСИ ЭКОЛОГИЯ ВА АТРОФ-МУҲИТНИ МУҲОФАЗА ҚИЛИШ ДАВЛАТ ҚЎМИТАСИ
БИОХИЛМАХИЛЛИК ВА МУҲОФАЗА ЭТИЛАДИГАН ТАБИИЙ ҲУДУДЛАРНИ МУҲОФАЗА ҚИЛИШ ВА УЛАРДАН ФОЙДАЛАНИШНИ НАЗОРАТ ҚИЛИШ ИНСПЕКЦИЯСИ
ҚАШҚАДАРЁ ВА СУРХОНДАРЁ ВИЛОЯТЛАРИ БЎЙИЧА ҲУДУДИЙ ИНСПЕКЦИЯСИ
180100, Қарши шаҳри, Жайхун кўчаси 5-уй, 0375 221-23-20 электрон манзил: [e-mail]
2018 йил «_____»_____________ № _01/12-01-16-____ Қарши шаҳри
Қарши шаҳри Захокимарон МФЙ Депо кўчасида яшовчи М.Сафаров ва бошқаларга

Қашқадарё ва Сурхондарё вилоятлари бўйича ҳудудий инспекция, Сизнинг ҳудудий инспекцияга ёзган шикоят аризангизга қуйидагиларни маълум қилади.

Шикоят аризангизга асосан ҳудудий инспекциянинг инспекторлари томонидан шикоят аризангизни 2018 йил 19 май куни жойига бориб ўрганишган ва қуйидагилар аниқланган.
Сиз ўз мурожаатингизда Қарши шаҳри Захокимарон МФЙдаги “Сув сақлаш иншоати” ҳудудида кўп йиллик дарахтларни Ҳусан исмли сув сақлаш иншоати бошлиғи ҳеч қандай рухсатсиз ноқонуний равишда кесиб ташлаб сотиб юборилганлик ҳолатларига чора кўришликни сўрагансиз.
Мурожаатингиз юзасидан ҳудудий инспекция инспекторлари 2018 йил 19 май санасида мурожаатда кўрсатилган манзилга боришган. Сув сақлаш иншоати бошлиғи Х.Рўзиқулов, оператор Ҳ.Қаҳҳоров қоровул Б.Абдиевлар билан биргаликда иншоат ҳудуди айланиб кўриб чиқилган.
Ҳақиқатдан ҳам Сув сақлаш иншоаати ҳудудидан кўп йиллик мевали ва манзарали дарахтлар кесилганлиги аниқланган. Ҳолат юзасидан қоровул Бахтиёр Абдиев мевали ва манзарали дарахтлар бир неча йиллар олдин зараркунандалар билан касалланиб қуриб қолгани сабабли кесиб олингани тўғрисида ёзма равишда тушинтириш хати ёзиб берган.
Фуқаро Б.Абдиев Ўзбекистон Республикаси “Ўсимлик дунёсини муҳофаза қилиш ва улардан фойдаланиш тўғрисида”ги Қонуни 37-моддаси талабларига риоя қилинмасдан қуриб қолган дарахтларни кесганлиги аниқланган. Юқоридагиларга асосан Б.Абдиевга нисбатан Ўзбекистон Республикаси МЖтКнинг 162 моддаси билан маъмурий баённома расмийлаштирилган.
Мазкур жавобдан норози бўлган тақдирингизда Ўзбекистон Республикаси “Жисмоний ва юридик шахслар мурожаатлари тўғрисида”ги Қонуни 32-моддасига асосан ҳуқуқни муҳофаза қилиш органларига мурожаат қилишингиз тушунтирилиб ўтилади.
Ҳудудий инспекция

бошлиғи Э.Пулатов

Ижрочи:Ш.Саломов