Ўзбекистон Республикаси Давлат статистика қўмитаси

Ташқи савдо статистикасини такомиллаштириш 
Товарлар ташқи савдоси бўйича статистикани тўплаш ва қайта 
ишлаш ҳамда маълумотлар базасини юритиш Давлат божхона қўмитаси 
томонидан амалга оширилади ва ҳар ой маълумотлар Давлат статистика 
қўмитасига тақдим этилади, шу ўринда хизматлар савдоси статистикаси 
маъмурий манбалар, статистик кузатувлар ва миқдорий ҳисоблаш 
усуллари ёрдамида шакллантирилади. 
Бу йўналиш қуйидаги тадбирларни қамраб олади: 

Давлат статистика қўмитаси ва Давлат божхона қўмитаси 
томонидан фойдаланадиган ташқи савдо соҳасидаги классификациялар 
ва стандартларни уйғунлаштириш; 

ташқи савдо соҳасида мавжуд ҳисобот шакллари сифатини 
янада яхшилаш;

ташқи савдо статистикаси қамровини яхшилаш; 

ташқи савдо соҳасидаги маълумотларни ўз вақтида қайта 
ишлаш ва таҳлил қилишни таъминлаш амалиётини такомиллаштириш;

ташқи савдо соҳасида статистик маълумотларнинг ягона 
маълумотлар базасини ва маълумотлар яхлитлигини таъминлаш. 

---

2020-
2025 йилларда Ўзбекистон Республикасининг
статистикани ривожлантиришнинг миллий стратегияси
156 
 
Энергетика соҳасида статистикани такомиллаштириш
Мамлакатда энергетика соҳаси ҳолатини кузатиб бориш учун
бу борада батафсил, тўлиқ, ўз вақтида ва ишончли статистик 
маълумотлар зарурдир. 
Энергия ва энерго-самарадорлик кўрсаткичларининг тузилиши
ва уларнинг аниқлиги энергиянинг якуний истеъмоли тўғрисидаги 
маълумотларнинг сифати ва батафсил ёритиб берилиши билан боғлиқ. 
Ушбу йўналишдаги мақсадларга эришиш учун қуйидаги вазифалар 
кўзда тутилган: 

фойдаланувчи эҳтиёжлари асосида мавжуд бўлмаган 
маълумотларни аниқлаш ва БМТ стандартлари асосида энергия 
статистикасини такомиллаштириш; 

энергия самарадорлиги ва энергия сарфи бўйича саволларни 
қўшиш йўли билан уй хўжаликлари кузатувларини қайта кўриб чиқиш; 

юқори сифатли энергия балансини шакллантириш учун 
кўрсаткичларнинг тўлиқ қамровини таъминлаш мақсадида халқаро 
стандартларга мувофиқ энергетика соҳасида статистик ҳисобот 
шаклларини қайта кўриб чиқиш; 

энергетика ҳолати ҳақида тўлиқ ва изчил маълумотлар тақдим 
этиш орқали энергетика статистикасининг долзарблигини ошириш.