Ўзбекистон Республикаси Давлат солиқ қўмитаси 2019 йилда солиқ қонунчилигига киритилаётган ўзгаришлар юзасидан

ҚҚСБ.т=ҚҚСс.о-ҚҚСҳ.о


Бу ерда:
ҚҚСБ.Т- бюджетга тўланадиган қўшилган қиймат солиғи суммаси;
ҚҚСс.о- солиққа тортиладиган оборотлар бўйича ҳисобланган қўшилган қиймат солиғи суммаси (истеъмолчилардан);
ҚҚСҳ.о- ҳисобга олинадиган қўшилган қиймат солиғи суммаси (етказиб берувчилардан).
Товарларни импорт қилиш бўйича ҚҚС суммаси солиқ солинадиган база ва белгиланган ставкадан келиб чиққан ҳолда аниқланади. (СК-224-моддаси)
Солиқ ҳисоб-китобларини тақдим этиш ва солиқни тўлаш тартиби
Қўшилган қиймат солиғининг ҳисоб-китоби солиқ бўйича ҳисобга олиш жойидаги давлат солиқ хизмати органларига ортиб борувчи якун билан ҳар ойда ҳисобот давридан кейинги ойнинг 25-кунидан кечиктирмай, йил якунлари бўйича эса – йиллик молиявий ҳисобот топшириладиган муддатда тақдим этилади.
Қўшилган қиймат солиғини тўлаш ҳар ойда, кейинги ойнинг
25-кунидан кечиктирмай амалга оширилади. (2019 йил 1 январдан)

2. Қўшилган қиймат солиғи ҳисоб-китоби шаклини тўлдириш
ва ҳисобварақ-фактураларни расмийлаштириш тартиби.
1- қадам, 9-илова. Иссиқ сув таъминоти (ҳисобга олиш асбоблари мавжуд бўлмаган тақдирда) ва марказий иситиш учун тасдиқланган истеъмол нормаларидан ортиқча миқдорда аҳолига етказиб бериладиган иссиқлик энергияси бўйича ҳисобга олишдан чиқариб ташланадиган ҚҚС суммасига тузатиш киритиш. Ушбу илова иссиқлик манбаи корхоналари томонидан тўлдирилади.


2-қадам, 8-илова. Ҳисобот даври боши ва ҳисобот даври давомидаги реализация қилинган товарларнинг етказиб бериш қиймати, ҚҚС суммаси ва ҚҚС билан қиймати тўғрисидаги маълумотлар акс эттирилади.

3-қадам, 7-илова. Ҳисобот даври боши ва ҳисобот даври давомидаги сотиб олинган товарларнинг етказиб бериш қиймати, ҚҚС суммаси ҳамда ҳисобга олинмайдиган ҚҚС суммаси тўғрисидаги маълумотлар акс эттирилади.

4-қадам, 6-илова. Ноль даражали ставка қўлланиладиган оборотлар тўғрисидаги маълумотлар акс эттирилади. Экспорт қилинган товарлар суммаси, халқаро йўналишлардаги ташишлар суммаси ва бошқалар.
0701 – 0710 - сатрларда Солиқ кодексидан ташқари бошқа тегишли норматив-ҳуқуқий ҳужжатлар билан берилган ҚҚСни ноль даражали ставкада қўллашга асослар кўрсатилади ва тегишли суммалар киритилади.

5-қадам, 5-илова. Имтиёзлар, яъни Солиқ кодекси ва бошқа норматив-ҳуқуқий ҳужжатларга асосан қўшилган қиймат солиғидан озод қилинган оборотлар кўрсатилади.

6-қадам, 4-илова. Амалга оширилган оборотларнинг барчаси турларга ажратилган ҳолда кўрсатилади. Маҳсулот сотишдан олинган соф тушум таннархдан паст нархда сотишдан кўрилган зарар суммаси, ижарадан олинган даромадлар ва бошқалар.

7-қадам, 3-илова. Экспорт операцияларини амалга оширувчи корхоналар томонидан олдинги солиқ даврида, яъни аввалги йилларда экспортга жўнатилган товарлар учун жорий солиқ даврида келиб тушган маблағлар ҳамда олдинги солиқ даври ҳисобга олинмасдан қолинган ҚҚС суммаси акс эттирилади.

8-қадам, 2-илова. Экспортга жўнатилган товарларнинг валютадаги қиймати ва хорижий ҳамкорлардан олинган товарлар учун келиб тушган валюта маблағлари тўғрисидаги маълумотлар ҳамда алоҳида-алоҳида ҳисоб юритиш усули бўйича аниқланган, ҳисобга олиниши лозим бўлган ҚҚС суммалари акс эттирилади.