Ўзбекистон Республикаси давлат мустақиллигининг 25 йиллигига бағишлаб, “Гўзал ва бетакроримсан, муқаддас Ватаним, жоним сенга фидо, Ўзбекистоним!” шиори остида ўтказиладиган “Мустақиллик дарслари” машғулотлари ўқув дастури

Мустақиллик – фаровон ҳаёт ва миллий қадриятларимиз барҳаётлиги

(маъруза - 2 соат)
Мустақиликнинг мазмун моҳияти ва унинг буюк қадрият эканлиги. Мустақиллик ҳаётимизнинг мазмун-моҳиятини ўзгартириб, халқимизни қарамлик кишанларидан озод қилгани, топталган қадриятларимиз, дину диёнатимиз, ору номусимизни тиклаш, ўзлигимизни англаш, фаровон ҳаёт ва ёруғ келажагимизни қуриш йўлида беқиёс имкониятлар очиб берганлиги.
Миллий тикланиш ва ўзлигимизни англаш. Озод ва обод Ватан – ёруғ келажагимиз кафолати эканлиги. Жамият ҳаётининг маънавий янгиланишида қадриятларимиз устуворлиги. Миллий ва умумбашарий қадриятлар уйғунлиги.


Ижтимоий-иқтисодий барқарорлик – “Ўзбек модели”нинг рўёби
(маъруза - 2 соат)
Миллий истиқлол ва тараққиётнинг “Ўзбек модели”. Мустақиллик йилларида мамлакатимиз ижтимоий-иқтисодий асосларининг тикланиши. Ўзбекистоннинг ғалла, ёқилғи-энергетика мустақиллиги, транспорт-коммуникация соҳаларида мустақиллигини таъминлаш, иқтисодиётимизда таркаибий ўзгришларни амалга ошириш, замонавий корхоналар барпо этиш ва уларни илғор техника ва технологиялар билан жиҳозлаш борасидаги улкан ишларнинг амалга оширилиши. Иқтисодиётдаги таркибий ўзгаришлар.
Бугунги кунда жамиятимизнинг қудратли таянчига айланиб бораётган ўрта синф – мулкдорлар синфи жадал ривожланиб, кичик бизнес ва хусусий тадбиркорликнинг ички маҳсулотдаги улуши ўсганлиги, айни шу тармоқда иш билан банд аҳоли ўзининг фидокорона меҳнати билан мамлакатимиз ривожига муносиб ҳисса қўшаётганлиги.


Ўзбекистон ташқи сиёсати: ўзаро ҳамкорлик ва манфаатлар уйғунлиги
(маъруза - 2 соат)
Ўзбекистон ташқи сиёсатининг концепцияси ва унинг асосий йўналишлари. Тинчлик ва осойишталик – барқарор тараққиёт кафолати. Юксак маънавият ва мафкуравий таҳдидлар. Бугун биз бошимиздан кечираётган ўта таҳликали замонда, ёнатрофимизда турли таҳдид ва хатарлар кучайиб бораётган бир шароитда энг катта ва бебаҳо бойлигимиз бўлган тинчлик ва осойишталикни кўз қорачиғидек асраш, миллатлар ва фуқаролараро дўстлик ва ҳамжиҳатлик, ўзаро ҳурмат ва меҳр-оқибат муҳитини янада мустаҳкамлаш, доимо хушёр ва огоҳ бўлиб, тинчлик учун курашиб яшаш. Глобаллашув ва миллий манфаатлар уйғунлиги.