Ўзбекистон республикаси бош прокуратураси академияси мамасиддиқов музаффаржон мусажонович

Олий ўқув юртидан кейинги таълимга қўйиладиган Давлат талаблари (кўчирма)
17. Фан доктори (DSc) илмий даражаси учун диссертация ҳимоя қилишгача изланувчилар:
диссертация натижаларининг халқаро ва республика илмий ва илмий-амалий конференцияларида кенг муҳокама қилинишини таъминлаши;
ОАК томонидан белгиланган илмий журналларда чоп этилган диссертациясининг асосий натижаларини акс эттирадиган камида 10 та (шу жумладан 1 таси хорижда) илмий мақолага эга бўлиши шарт.
Ижтимоий-гуманитар фанлар бўйича фан доктори (DSc) илмий даражаси учун изланувчилар диссертация натижалари бўйича монография чоп этган бўлиши лозим.
ИЛМИЙ НАШРЛАРНИ ТАЙЁРЛАШ ВА ЧОП ЭТИШГА ҚЎЙИЛГАН ТАЛАБЛАР:
Илмий ишлар тўплами – илмий муассасалар, ўқув юртлари, илмий жамиятларнинг тадқиқот натижаларини, муайян фан соҳаси етук вакилларининг таҳлилий - илмий мақолаларини ўзида мужассамлаш-тирган тўплам. Мазкур тўпламлар даврий тарзда ҳам чиқарилиб борилиши мумкин.
Конференциялар, давра суҳбатлари, илмий-амалий анжуман-лар тезислари тўплами – ўтказилиши режалаштирилаётган тадбир-лардаги маъруза ва чиқишларнинг қисқача мазмуни акс этган даврий бўлмаган тўплам. Мазкур материаллар дастлабки таништирув тусига эга бўлиб, одатда тадбир ўтказилишидан олдин чоп этилади. Бунда илмий маърузанинг, мақола ёки бошқа илмий ишнинг мазмуни қисқа, аниқ, мантиқий изчилликда баён этилади.
Давра суҳбатлари, конференциялар, илмий-амалий анжуман-лар материаллари – ўтказилган тадбирларнинг хулосалари, ўқилган маърузалар матнлари, илмий мақолалар, тавсия ва қарорларни ўзида ифодалайдиган даврий бўлмаган тўплам.
Рисола – ижтимоий-сиёсий ёки илмий-оммабоп тусдаги унча катта бўлмаган китоб нашри. Унинг ҳажми одатда 50 варақ ёки 3 босма та-боқдан кўп бўлмаган, юмшоқ муқовага эга бўлган шаклда чоп этилади.
Илмий мақола – муайян илмий мавзу юзасидан яхлит, тугал-ланган, мантиқий изчилликда тайёрланган асар. Мақола одатда 8-10 варақдан иборат бўлади. Тадқиқот материал-ларини ва уларнинг таҳлилини мақола шаклида илмий журналлар ёки тўпламларда чоп этиш изланувчининг илмий тажрибасини ва эришган натижаларни кенг жамоатчилик эътиборига етказишда муҳим аҳамият касб этади.