Ўзбекистон республикаси бош прокуратура академияси коррупцияга қарши курашиш илмий-таълим маркази

Ҳарбий прокуратура ходимларига ҳарбий интизомни бузганликлари ва хизматдаги 
ножўя қилмишлари учун интизомий жазо қўллаш ҳуқуқига ваколат доирасида фақат 
Ўзбекистон Республикаси Бош прокурори ҳамда Ўзбекистон Республикаси Ҳарбий 
прокурори эгадир. 
Низомнинг 54 бандига асосан Прокуратура органлари ходимлари давлат ҳимоясида бўлади. 
Хизмат вазифасини бажариш вақтида прокуратура органлари ходимини ушлаб туришга, 
шахсий тинтув ўтказишга, унинг нарсаларини ва фойдаланаётган транспортини кўздан кечиришга 
йўл қўйилмайди, қонунда назарда тутилган ҳоллар бундан мустасно. 
Прокуратура органларининг ходимларига, шунингдек, прокуратура органларидан хизматдан 
бўшатилган шахсларга нисбатан уларнинг прокуратура органларида хизмат вазифаларини 
бажариш жараёнида содир этган қилмишлари учун жиноят иши қўзғатиш масаласи ҳамда 
прокуратура органлари ходимларининг маъмурий ҳуқуқбузарликлари учун жавобгарлик масаласи 
Ўзбекистон Республикаси Бош прокурори, унинг ўринбосарлари, Қорақалпоғистон Республикаси 
прокурори, вилоятлар, Тошкент шаҳар прокурорлари ва уларга тенглаштирилган прокурорлар 
томонидан ваколатлари доирасида қонун ҳужжатларида белгиланган тартибда ҳал этилади. 
Прокуратура ходимларга нисбатан хизмат текшируви ўтказиш Ўзбекистон Республикаси 
Бош прокурорининг 2017 йил 6 ноябрдаги 158-сонли буйруғи билан тасдиқланган 
“Ходимларга нисбатан хизмат текшируви ўтказиш ва уларни хизмат вазифаларини 
бажаришдан вақтинча озод қилиш тартиби тўғрисида”ги Йўриқнома асосида ўтказилади. 
2. Прокуратура органлари, муассасалари ва Департамент ходимларига нисбатан хизмат 
текширувлари улар томонидан хизмат ёки ижро интизомининг бузилиши, прокуратура 
ходимига номуносиб ҳаракат ёхуд прокуратура ходими деган номга доғ туширувчи ножўя 
хатти-ҳаракатлар содир этилиши ҳолатлари юзасидан ўтказилади.