Ўзбекистон республикаси банк-молия академияси

1.2.Тадқиқот мақсади ва вазифалари
Тадқиқотнинг асосий мақсади бўлиб, бюджет такчиллиги ва уни бартараф этиш буйича хориж тажрибаси асосида илмий таклиф ва амалий тавсияларни ишлаб чиқиш ҳисобланади.
Қўйилган мақсадга эришиш учун тадқиқот олдига қуйидаги вазифалар қўйилган:
- бюджет тақчиллигининг назарий асослари ўрганилади;
- бюджет тақчиллигининг турлари ва бартараф этиш усуллари назарий асосланади;
- хорижий мамлакатларнинг бюджет тақчиллиги ва ташқи қарзлари тадқиқ қилинади ва тегишли хулослар шакллантирилади;
- бюджет тақчиллигининг иқтисодиётга таъсири таҳлил қилинади;
- бюджет тақчиллигини бартараф этиш механизмларини такомиллаштириш бўйича таклиф ва тавсиялар ишлаб чиқилади.
1.3. Тадқиқотнинг асосий муаммолари ва саволлари
Инқирозлар даврида бир қатор давлатларда, аввало, ривожланган мамлакатларда юқори даражадаги давлат бюджети тақчиллиги молиявий номутаносибликнинг юзага келишига сабаб бўлди. Дунёдаги барча ривожланган ва ривожланаётган мамлакатларда бюджет тақчиллигини бартараф қилиш бўйича иқтисодий чора-тадбирларни амалга ошириш лозим. Демак, бюджет тақчиллигини бошқариш учун хориж тажрибасини ўрганиш жуда мухим хисобланади.
Шундай экан, ривожланган ва ривожланаётган давлатларнинг бюджет тақчиллигини бартараф этиш бўйича тажрибаларини ўрганиш юзасидан илмий тадқиқотлар олиб бориш долзарб масалага айланди. Тадқиқот объектидан келиб чиқиб, қуйидагича тадқиқот саволлари қўйилди:
1. Давлат бюджети тақчиллигининг моҳияти ва оқибатлари нимада?
2. Давлат бюджети тақчиллигига қандай омиллар таъсир этади?
3. Хорижий тажрибада давлат бюджети тақчиллигини молиялаштиришни қандай усуллари мавжуд?
1.4. Тадқиқот объекти ва предмети
Тадқиқот объекти хорижий мамлакатларнинг бюджет тақчиллигини молиялаштириш механизмлари ҳисобланади.
Тадқиқот предмети сифатида эса бюджет тақчиллигини молиялаштириш механизмлари билан боғлиқ ҳуқуқий-иқтисодий муносабатлар олинган.
1.5. Тадқиқот натижаларининг илмий-назарий ва амалий аҳамияти
Тадқиқот давомида ишлаб чиқилган илмий таклиф ва амалий тавсиялар аввало, бюджет тақчиллиги даражасини камайтириш, бартараф этиш чора-тадбирлари бўйича амалий тавсиялар бериш ҳисобланади.
Тадқиқотимизни фан учун аҳамияти шундаки, тадқиқот натижаси сифатида илмий мақолалар, тезис ва бошқа тадқиқот ишларини ёзишда, қарорлар қабул қилишда, назарий хулосаларга асосланишда ҳамда таққослама таҳлилда қўлланилиши мумкин.

6.