Ўзбекистон республикаси банк-молия академияси, тошкент ирригация ва мелиорация институти ва тошкент молия институти ҳузуридаги фан доктори илмий даражасини берувчи

Тадқиқотнинг республика фан ва технологиялари ривожланишининг устувор йўналишларига мослиги. Мазкур диссертация тадқиқоти республика фан ва технологиялари ривожланишининг I. «Демократик ва ҳуқуқий жамиятни маънавий-ахлоқий ва маданий ривожлантириш, инновацион иқтисодиётни шакллантириш» устувор йўналишига мувофиқ бажарилган.
Муаммонинг ўрганилганлик даражаси. Пенсия таъминоти тизимини ислоҳ қилиш ижтимоий сиёсатнинг устувор йўналишларидан бири сифатида қатор иқтисодчи олимлар томонидан тадқиқ этилган. Хусусан, пенсия таъминоти тизимини ислоҳ қилиш ва такомиллаштириш масалалари хорижий иқтисодчи-олимлардан Р.Дисней, М.Борелла, Е.Форнеро, М.Гора, Л.Котликофф, А.Сёде, К.Вруман, Н.Барр, П.Даймонд, Ф.Чубальски, М.Вред, А.Чернулич, П.Антолин, А.Дж.Биккер, З.Боди, Д.А.Брудерс, Д.А.Холландерс, Э.М.Пондс, А.Борш-Супан, Дж.Винтер, Д.Витас, Р.Гибсон, Э.Дэвис, Т.Кроссли, Р.Мертон, Ф.Модильяни, Дж.Стиглиц, Ф.Стюарт, Д.А.Холландерс, Э.Франк, Г.Шарлин, Р.Хайнц, О.В.Ломатидзе, А.Л.Лельчук, А.А.Попов, Е.Т.Гурвич, Л.С.Дегтярь, А.А.Новиков, М.М.Аранжереев, А.В.Головченко, С.Дедиков, Я.А.Кабаков, Е.И.Куликова, В.Д.Роик, И.А.Юрьева, Н.Н.Масюклар томонидан тадқиқ этилган. Шунингдек, Д.В.Бочкарев, А.В.Киевич, И.Е.Наздрева, Л.А.Сетченкова, Ю.Ю.Финогенова, А.В.Шаховларнинг илмий ишларида пенсия тизимида амалга ошириладиган ислоҳотлар, пенсия жамғармалари фаолиятининг айрим амалий жиҳатлари ёритилган.³
Пенсия тизимини ислоҳ этишнинг назарий ва амалий жиҳатлари ўзбек олимларидан А.В.Вахабов, Қ.Х.Aбдурaхмoнoв, Б.Х.Умурзоқов, Р.Т.Долимов, Н.М.Мажидов, Г.К.Саидова, Д.Р.Рустамов, Ш.У.Ражабов, Б.С.Маматов, Ш.К.Ҳамдамов, Ж.П.Турсунов, З.Э.Бекназаров, Г.А.Касимова, Д.А.Шолдаров, Ш.З.Давронов, М.Ж.Зиядуллaевларнинг ишларида ўрганилган.⁴
А.В.Вахабов, Б.Х.Умурзоқовларнинг илмий асарларида пенсия тизимининг ижтимоий-иқтисодий асослари ва пенсия сиёсатини ишлаб чиқишнинг халқаро тажрибалари ёритилган. Д.Р.Рустамов ўзининг илмий тадқиқотларида пенсия жамғармасининг молиявий барқарорлигини таъминлашнинг илмий-услубий асосларини ўрганган. Бироқ, хорижий тажрибаларни эътиборга олган ҳолда пенсия тизимидаги таркибий ўзгаришларни амалга ошириш масалалари алоҳида, мустақил илмий йўналиш сифатида комплекс тадқиқ этилмаган. Бу ҳолат ҳам, танланган мавзунинг долзарблигини англатади.