Ўзбекистон республикаси банк-молия академияси, тошкент ирригация ва мелиорация институти ва тошкент молия институти ҳузуридаги фан доктори илмий даражасини берувчи

3-расм. Бюджетдан ташқари Пенсия жамғармаси даромадлари ва харажатлари ижроси, млрд. сўм¹¹
Пенсия жамғармаси харажатларининг барқарор ошиб боришининг сабабларидан бири бу пенсия олувчилар сонининг ошиб бораётганлиги билан белгиланади. Пенсия тизим мамлакатимизда 3,6 миллионга яқин фуқарони, яъни умумий аҳолининг қарийб 11 фоизини қамраб олиб, шундан нафақа олувчилар 400 минг нафарни ташкил этади. 2010 йил январ ҳолатига пенсия олувчиларнинг умумий сони 2829,7 минг нафарни ташкил этган бўлса, 2021 йилда ушбу кўрсаткич 3588,0 минг нафардан кўпроқдир. Тўлиқсиз стаж билан пенсия олувчилар сони ҳам йилдан йилга ошиб борганлигини кўришимиз мумкин. (2-жадвал)
2-жадвал
Ўзбекистонда пенсионерлар сонининг ўзгариши динамикаси¹²

Йиллар	Йил бошига пенсия олувчилар сони, киши	Йил бошига тўлиқсиз стаж билан пенсия олувчилар сони	Ҳисобот йилида янги тайинланган пенсиялар сони	Ҳисобот йилида тўлиқсиз стаж билан пенсия тайинланганлар сони
2010	2 829 719	77 211	169 151	8 493
2011	2 807 717	85 367	193 188	12 037
2012	2 725 773	111 413	116 363	15 269
2013	2 685 270	159 990	129 112	41 916
2014	2 695 623	237 310	139 219	59 563
2015	2 713 929	308 624	157 491	78 820
2016	2 781 618	401 100	195 928	105 019
2017	2 882 087	510 426	225 317	124 413
2018	3 007 621	625 512	251 894	135 229
2019	3 162 139	768 525	277 397	147 665
2020	3 312 723	876 210	276 256	152 048
2021	3 588 004	904 052	314 500	159 387

Таҳлил этилаётган йиллар давомидаги ўсиш даражаси 117 фоизни ташкил этиши кутилаётган демографик ўзгаришларнинг пенсия тизимининг молиявий барқарорлигига жиддий салбий таъсир кўрсатиши мумкинлигини башорат қилиш имконини яратади.
Республикамизда ҳам пенсия тизими босқичлари кетма-кетликда ривожланиб келмоқда ва давлатимиз бу босқичларнинг иккинчисида, деб таъкидлашимиз мумкин. 2005 йилдан бошлаб, фуқаролардан жамғариб бориладиган пенсия таъминоти ташкил этилган ва у АТ “Халқ банки” орқали амалга оширилади. Бунинг механизми мажбурий ва ихтиёрий тартибда ташкил этилган бўлиб, пул маблағларининг мақсадли фондларини шакллантириб, кексалик чоғида фойдалиниш шакли ва усуллар йиғиндисини ўз ичига олган иқтисодий муносабатлар тизимини акс эттиради.
Жамғариб бориладиган мажбурий пенсия бадаллари фуқаролариинг иш ҳақидан олинадиган даромад солиғидан 0,1% миқдорда белгиланган (31.12.2018 йилгача бу 2% ни ташкил этган). 2019 йил бошига жами маблағлар 3763,9 млрд. сўмни ташкил этиб, 2018 йилга нисбатан 56,36% га ўсишига эришилган. Бу албатта биринчи навбатда иқтисодий фаол аҳолининг 2018 йилга нисбатан 1,5% ўсганлиги ва солиқлардаги ўзгариш сабабли жамғариб бориладиган пенсия таъминоти бадаллар миқдори 1% дан 2% оширилганлиги билан изоҳланади. Лекин 2019 йилдан бошлаб аҳолининг реал даромадларини ошириш мақсадида янги солиқ концепциясига асосан бадаллар миқдори ўзгарганлиги учун, 2020 йил бошига ушбу кўрсаткич 3748,8 млрд. сўмни ташкил этмоқда. 2021 йилга келиб ушбу кўрсаткич 4438,1 млрд. сўмни ташкил этиши кутилмоқда.(4-расм)