Ўзбекистон Республикаси алоқа ва ахборотлаштириш агентлиги

Тебранишларни инсон организмига таъсири.
4- жадвал

Титраш тебранишининг амплитудаси, мм	Титраш частотаси, Гц	Таъсир натижалари
0,015 гача	Ҳар хил	Организмга таъсир этмайди
0,016-0,050	40-50	Асаб бузилади ва депрессия ҳолати кузатилади
0,051-0,100	40-50	Марказий асаб, юрак ва эшитиш тизимида ўзгариш кузатилади.
0,101-0,300	50-150	Касалланиш мумкин
0,101-0,300	150-250	Силкиниш касаллиги кузатилади

Шовқиннинг узоқ муддатли таъсири эшитиш органларининг фаолиятини ёмонлаштиришдан ташқари қон босимининг ўзгаришига, кўриш қобилиятининг ёмонлашишига, ҳаракатланиш марказларида ўзгариш пайдо бўлишига, оқибатда ҳаракат координациясининг бузилишига ва организмда қувват сарфлаш жараёниниг кўпайишига олиб келади. Шовқин инсоннинг юрак ва қон айланиш тизимлари функцияларининг бузилишига овқат хазм қилиш ва бошқа органларда функционал ўзгаришларининг пайдо бўлишига сабаб бўлиши мумкин.
Инсон организимида шовқин таъсиридан келиб чикадиган ўзгаришлар «шовқин касаллиги» деб юритилади.
Шовқин частотаси - бу (герц), интенсивлиги ва товуш босими билан ифодаланади. Товуш тўлқинларининг тарқалиши муҳитнинг эластиклик ҳоссасига, ҳаракат ва зичлигига боғлиқ. Товуш тўлқинларининг 20⁰С ҳараратли ҳаво муҳитидаги тарқалиш тезлиги 343 м/с, пулатда 500 м/с, бетонда 4000 м/с га тенг. Товуш тўлқинларининг тарқалиш чегараси товуш майдони деб аталади. Унинг ҳар бир нуқтаси маълум бир товуш тезлигига ва товуш босимига эга бўлади.
Товуш тўлқинлари тарқалаётган вақтда маълум кинетик қувватни кўчириш вужудга келади ва бу қувватнинг миқдори товуш интенсивлиги билан белгиланади.