Ўзбекистон республикаси алоšа ва ахборотлаштириш агентлиги

Mustaqil ishlarni bajarishga uslubiy ko’rsatma. Mustaqil ish muayyan fandan o’quv dasturida belgilangan hamda talaba tomonidan o’zlashtirilishi lozim bo’lgan bilim, ko’nikma va malakaning ma’lum bir qismi bo’lib, o’qituvchi maslahati va tavsiyalari asosida auditoriyada yoki auditoriyadan tashqarida bajariladi.

Uslubiy ko’rsatmada talabalar mustaqil ishini bajarish yuzasidan fan bo’yicha tegishli savol va topshiriqlar hamda ularni bajarish bo’yicha uslubiy tavsiyalar berilgan. Talaba tomonidan mustaqil ravishda javob yozishni (referat yoki hisobot shaklida) talab etuvchi savollar ishlab chiqiladi. Talabaning ijodiy qobiliyatlarini rivojlantirishga yunaltirilgan topshiriqlar ishlab chiqiladi.

Yozma mustaqil topshiriqlarda hisoblash uchun berilgan vazifalarni bajarish, umumlashtiruvchi va takrorlanuvchi jadvallarni to’ldirish, texnologik xaritalarni ishlab chiqish, laboratoriya, amaliy ishlar to’g’risida hisobotlar tuzish va shunga o’xshash vazifalarni o’z ichiga oladi. Talabalar o’qituvchi topshirig’i asosida mustaqil ishni bajarish jarayonida masalaning yechish algoritmi va dasturini ishlab chiqishni amalga oshiradilar.

Mustaqil ishni bajarish uchun uslubiy ko’rsatmada referat va uni tayyorlash usuli, ilmiy adabiyotlarni o’qish qoidalari, insert usuli, grafik organayzerlarda fikrlarni bayon qilish usullari, namunaviy misol, mustaqil ish mavzulari, zaruriy adabiyotlar ro’yxati keltirilgan.