Ўзбекистон республикаси алоқА, ахборотлаштириш ва телекоммуникация технологиялари давлат қЎмитаси

 

---

83 
 
4.2
. Ёнғин ҳақида умумий маълумотлар 
Ёнғин иқтисодиётга катта моддий зарар етказади. Бунинг устига, кўп 
ҳолларда ёнғин вақтида бахтсизлик ҳодисалари ҳам рўй беради. Бу эса ўз 
навбатида ёнғиндан сақланиш ҳамда меҳнат муҳофазаси қоидаларини яхши 
ўрганиб-билиб олиш ҳамда уларни ўзаро узвий боғлай билиш вазифасини 
юклайди. 
Ёнғинга қарши кўрашиш техникасининг вазифалари ёнғин чиқиш 
сабабларини ўрганиш, ёнғиннинг олдини олишнинг энг мақбул усулларини, 
шунингдек ёнғинни қисқа вақт ичида ўчириш воситалари ва усулларини топиш 
ҳамда белгилаб олишдан иборатдир.Ёнғин махсус манбадан ташқарида 
бўладиган, назорат қилиб бўлмайдиган ёниш бўлиб, жуда катта моддий зарар 
етказади. 
Ёнғин чиқишга асосан оловдан нотўғри фойдаланиш; электр 
установкаларни, печларни, тутун трубаларини монтаж қилиш ва ишлатиш 
қоидаларининг бузилиши; халқ хўжалиги объектларини лойиҳалаш ва қуришда 
ёнғин хавфсизлиги нормалари талабаларининг бузилиши; ёнғин жиҳатдан 
хавфли жиҳозларни ишлатишда ва осон аланганланадиган материалларда 
фойдаланишда ёнғин хавфсизлиги қоидаларига риоя қилмаслик; болаларнинг 
олов билан ўйнаши; момақалдироқ разрядлари сабаб бўлади. 
Ёнғиннинг олдини олиш ва ёнғиндан сақлаш тартиблари ёнғиннинг очиқ 
аланга ва учқунлар, ҳаво, буюмларнинг юқори температураси, заҳарли ёниш 
маҳсуллари, тутун, кислороднинг камайиб кетиши, бино ҳамда иншоотларнинг 
қулаши ва шикастланиши, портлаш каби факторларнинг одамларга 
таъсирининг олдини олиш керак. Бу вазифаларни ҳал қилиш учун ёнғин-
портлаш жиҳатдан хавфли модда ва материаллар ўрнига ёнмайдиган ҳамда 
қийин ёнадиган материал ва моддалардан иложи борича кўп фойдаланиш, 
ёнувчи муҳитни изоляциялаш (технологик жараёнларни автоматлаштириш, 
герметиклаш ва ҳ.к.), ёнғиннинг ёниш манбаидан атрофга тарқалишига йўл 
қўймаслик, ўт ўчириш воситалари, гуруҳли ҳамда якка тартибда ҳимоя 

---

84 
воситалари, сигнализация ва ёнғин ҳақида хабар бериш воситаларидан 
фойдаланиш, ёнғин чиққанда одамларни эвакуация қилиш тартибини тўғри 
ташкил этиш, объектларни ёнғиндан қўриқлаш зарур.