Ўзбекистон республикаси алоқА, ахборотлаштириш ва телекоммуникация технологиялари давлат кўмитаси

5-МАВЗУ
ИНТЕРНЕТ ТАРМОҒИ ХИЗМАТЛАРИ ва уларда ишлаш асослари


Режа:

1. 
   Интернет провайдерлари ва уларнинг вазифалари;
   
2. 
   Интернет тармоғи хизматлари ва улардан фойдаланиш;
   
3. 
   Броузер тушунчаси ва уларнинг вазифаси;
   
4. 
   Хостинг хизмати ва ахборотларни жойлаштириш;
   
5. 
   Прокси хизмати, аноним проксилар ва уларнинг вазифалари, ижобий ва салбий томонлари;
   
6. 
   Юклаш ва кўчириб олиш (upload, download) тушунчалари;
   
7. 
   Интернет конференциялар.
   
8. 
   Интерактив хизматлар тушунчаси;
   
9. 
   Транспорт воситаларнинг ҳаракатланиш жадвали, авиа рейслар жадвали, темир йўл транспорти қатнови жадвали, банк хизмати маълумотлари; Валюта курслари, Об-ҳаво маълумотлари, Янгиликлар; Теледастурлар ва радиоэшиттришлар дастури; Иш ўринлари биржалари; Спорт янгиликлари;
   
10. 
    Давлат бошқарув ва хўжалик юритувчи органларнинг веб сайтлари орқали кўрсатиладиган интерактив хизматлар.
    

Интернет провайдерлари ва уларнинг вазифалари. Интернет провайдер – Интернет тармоғи хизматларини тақдим этувчи ташкилотдир. Ҳозирги кунда Интернет провайдерларининг икки тури мавжуд: Интернетга уланиш ва уланиш каналларини тақдим этувчи провайдер ҳамда Интернет хизматларини тақдим этувчи провайдер.
Интернет хизматларини тақдим этувчи провайдерлар томонидан www, электрон почта, хостинг (веб ресурсларни жойлаштириш) каби Интернет хизматлари кўрсатилмоқда. Интернетга уланган тармоқларни қуришда ундаги компьютерларга бериладиган манзиллар (IP манзил) провайдер томонидан тақдим этилган оралиқдан танлаб олинади.
Провайдер томонидан берилган манзилларга эгa бўлмаган компьютерлар маҳаллий тармоқлар учун заҳираланган оралиқдаги манзилларга эгa бўлиши ва маҳаллий тармоқ компьютерлар билан ишлаши мумкин:
192.168.0.1 - 192.168.255.255
172.16.0.1 - 172.16.255.255
10.0.0.1 - 10.255.255.255
Ҳозирги кунда Ўзбекистон Республикаси бир қанча Интернет провайдерлари хизмат кўрсатмоқда, булар: UzNet, Sarkor Telecom, Sharq Telecom, TPS, ARS Inform, Cron Telecom ва бошқалар.