Zbekiston respublikasi aksiyadorlik tijorat xalq banki

Бошқарув Раисининг
биринчи ўринбосари Т.Рахмонов

Ўзбекистон Республикаси Ҳисоб палатасига

Маълумки, Ўзбекистон Республикаси Президентининг 2018 йил 4 майдаги “Ўзбекистон Республикаси акциядорлик тижорат Халқ банки ва “Микрокредитбанк” акциядорлик тижорат банкининг молиявий ҳолатини яхшилаш ҳамда фаолиятини янада такомиллаштириш чора-тадбирлари тўғрисида”ги ПҚ-3694-сонли қарори қабул қилинган бўлиб, мамлакатимизда банк-молия тизимини ислоҳ қилиш ва мустаҳкамлаш бўйича изчил амалга оширилаётган чора-тадбирлар тижорат банкларининг ликвидлилиги ва барқарорлигини таъминлаш, аҳоли ва тадбиркорлик субъектларига кўрсатилаётган банк хизматлари турларини кенгайтириш хамда сифатини ошириш имкониятини яратмоқда.
Хусусан, акциядорлик тижорат Халқ банки аҳоли ва тадбиркорлик субъектлари билан фаол иш олиб бориш билан бир қаторда, ҳудудларда чорвачиликни ривожлантириш борасидаги фаолиятини кенгайтирмоқда, фуқароларнинг шахсий жамғариб бориладиган пенсия тизими ҳисобини юритиш, пенсия, нафақа ва бошқа ижтимоий тўловларни жойларга етказиб бериш каби ижтимоий вазифаларни амалга оширмоқда.
Банкнинг филиал тармоқлари мамлакатнинг барча ҳудудларини қамраб олганлигини ҳисобга олиб, улар фаолиятини энг янги ахборот-коммуникация технологияларини фаол жорий этиш орқали самарали ташкил қилиш, кўрсатилаётган банк хизматлари рўйхатини кенгайтириш ва хизматлардан максимал фойдаланиш имкониятини таъминлашни тақоза қилмоқда.
Бугунги кунда Халқ банкининг молиявий ҳолатини яхшилаш ва фаолиятини янада такомиллаштириш мақсадида, кўрсатилаётган хизматларнинг молиявий барқарорлиги ва жозибадорлигини таъминлаш, банк хизматларига тариф сиёсатини оптималлаштириш, банк хизматларининг замонавий инновацион ва мижозларга мўлжалланган турларини жорий этиш, шунингдек кредитларни тезкорлик билан тақдим қилишнинг янги механизмларини фаол жорий этиш, мижозлар билан шериклик муносабатларини йўлга қўйишнинг замонавий ёндашувларини қўллашни ҳисобга олган ҳолда кредит учун аризаларни расмийлаштириш ва кўриб чиқиш жараёнининг шаффофлигини таъминлаш юзасидан қатъий назорат ўрнатилганлигини маълум қиламиз.