Zbekiston respublikasi aksiyadorlik tijorat xalq banki

Бошқарув Раиси
ўринбосари в.б М.Эшниёзов

	Сирдарё вилояти ҳокими Ғ.Мирзаевга

Ҳурматли Ғофуржон Ғаниевич!
Маълумки, Ўзбекистон Республикаси Президенти Ш.М.Мирзиёевнинг 2017-2018 йилларда Сирдарё вилоятига ташрифи давомида берилган топшириқлар ва кенгайтирилган тарзда ўтказилган мажлис баёнларида вилоятда чорвачиликни ривожлантириш бўйича Халқ банкига бир қатор вазифалар юклатилган.
Хусусан, Гулистон туманида “Бек чорва йилқичилик” фермер хўжалиги томонидан 2000 бош қорамол ва 1000 бош қўйга мўлжалланган замонавий чорвачилик комплекси ташкил этиш белгиланган бўлиб, бугунги кунда ташаббускорга қурилиш ишлари учун 2,0 млрд.сўм миқдорида кредит маблағлари ажратилди ва қурилиш ишлари якунига етказилди. Бироқ, мазкур лойиҳани 2018 йил 2-чоракда ишга туширилиши белгиланган бўлсада, бугунги кунда ташаббускор хорижий давлатлардан наслли чорва молларини олиб келиш истаги йўқлигини билдирмоқда.
Бундан ташқари, Боёвут туманида “Ҳақберди Файзи”, Сирдарё туманида “Султон” фермер хўжаликлари ҳамда Сайхунобод туманида 2000 бош наслли қорамолларни хорижий давлатлардан олиб келиш истагида бўлган ташаббускорлар томонидан чорвачилик комплексини ташкил этиш лойиҳаларини амалга ошириш кўзда тутилган бўлиб, туман ҳокимликлари томонидан мазкур лойиҳа ташаббускорларига озуқа экинларини экиш учун зарур бўладиган ер майдонларини ажратиш белгиланган. Бугунги кунда, мазкур лойиҳа ташаббускорларига зарур бўлган ер майдонлари ажратиб берилмаганлиги сабабли лойиҳаларни молиялаштириш ишлари амалга оширилмасдан қолмоқда.
Юқоридагилардан келиб чиқиб, Муҳтарам Президентимизнинг Сирдарё вилоятига ташрифлари давомида берган топшириқлари ижросини ўз вақтида таъминлаш ҳамда вилоятда чорвачиликни ривожлантириш мақсадида, Гулистон туманидаги “Бек чорва йилқичилик” фермер хўжалигига хорижий давлатлардан наслли чорва молларини олиб келишга аниқ кўрсатмалар беришингизни, лойиҳа ташаббускорларига озуқа экинларини экиш учун зарур бўлган ер майдонларини ажратишда амалий ёрдам беришингизни, шунингдек амалга оширилган ишлар юзасидан маълумот тақдим этишингизни сўрайман.