Zbekiston respublikasi aksiyadorlik tijorat xalq banki

Бошқарув Раисининг
биринчи ўринбосари Т.Рахмонов

Акциядорлик тижорат Халқ банки Бошқарув Раиси А.Н.Абдуллаевга

Бугунги кунда, мамлакатимизда ҳудудларнинг ижтимоий-иқтисодий салоҳиятини ошириш ҳамда аҳоли ҳаёт даражаси ва фаровонлигининг барқарор ўсишига имкон берувчи фаол тадбиркорликни ҳар томонлама қўллаб-қувватлаш ва рағбатлантиришга, инновацион ғоя ва технологияларни жорий этишга, фан ва инновацион фаолият жадал ривожланиши учун зарур шарт-шароитларни яратишга алоҳида эътибор қаратилмоқда.

Айниқса, иқтисодиёт тармоқларини жадал ривожлантиришга қаратилган инвестиция лойиҳаларини самарали ва ўз вақтида амалга ошириш мақсадида халқаро молия институтлари ва донор мамлакатлар маблағларини фаол жалб этиш бўйича изчил чора-тадбирлар олиб борилаётганлигини таъкидлаш лозим.
2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида, шунингдек Ўзбекистон Республикаси Президентининг 2017-2018 йилларда республика ҳудудларига ташрифлари давомида берилган топшириқлар ва кенгайтирилган тарзда ўтказилган мажлис баёнларида ҳам банк тизимига оид бўлган топшириқларида айнан мана шу масалаларга жуда катта эътибор қаратилганлигини кўришимиз мумкин.
Мазкур топшириқларнинг ижросини сўзсиз таъминлаш учун ҳар бир ҳодимдан ўз вазифасини ситқидилдан, виждонан, барча билими ва тажрибасини сарф қилган ҳолда иш олиб бориши талаб этилади.
Юқоридагиларни инобатга олган ҳолда, Ўзбекистон Республикаси Президентининг ҳудудларга ташрифи давомида банк тизимига берган топшириқлари ижросини ўз муддатида таъминлаш, республикамизда фаол тадбиркорликни ривожлантириш, шунингдек маҳаллий ва хорижий кредит линиялари маблағлари ҳисобидан инновацион лойиҳаларни молиялаштириб иқтисодиётнинг реал секторига илгари суришда бевосита иштирок этувчи ходимларнинг меҳнатини рағбатлантириш, уларни молиявий жиҳатдан қўллаб-қувватлаш мақсадида, иловада келтирилган Банк инвестицион фаолиятини мувофиқлаштириш ва мониторинг қилиш департаменти ходимларининг иш ҳақларига ўрнатилган ойлик устама(надбавка)ларини қайта кўриб чиқилишига рухсат беришингизни сўрайман.

Илова___ варақ