Zbekiston respublikasi aksiyadorlik tijorat xalq banki

Бошқарув Раисининг
биринчи ўринбосари Т.Рахмонов

АТ Халқ банкининг барча ҳудудий филиаллари раҳбарларига

Маълумки, 2017-2018 йилларда Муҳтарам Президентимиз томонларидан республикамиз ҳудудларига қилган ташрифлари давомида берилган топшириқларга мувофиқ жойларда бир қатор ижтимоий-иқтисодий лойиҳалар амалга ошириб келинмоқда.
Шу билан бирга юзага келган айрим объектив сабаблар, хусусан баъзи ташаббускорларнинг молиявий аҳволи ёмонлашуви, етарли маблағларга эга бўлмаслиги, гаров таъминоти мавжуд эмаслиги, лойиҳани истиқболсиз деб топилиши ва бизнес лойиҳалари ҳозирги давр талабларига мос келмаслиги белгиланган лойиҳаларни ўз вақтида амалга оширилишга тўсиқ бўлмоқда.
Бу эса ўз навбатида ташриф бўйича топшириқлар ижросини назорат қилувчи органлар томонидан Халқ банкига нисбатан ҳақли эътирозларига сабаб бўлмоқда.
Шу билан бирга, жорий йил октябр ойидан бошлаб Муҳтарам Президентимизнинг ҳудудларга навбатдаги ташрифлари кутилаётганлиги муносабати билан, Сиздан 2018-2019 йилларда амалга оширилиши белгиланган лойиҳаларнинг ўз вақтида тўлиқ ишга туширилишини таъминлашингиз ҳамда 2019-2020 йиллар учун саноат, қишлоқ хўжалиги ва хизмат кўрсатиш соҳалари бўйича лойиҳа ташаббускорларини танлаб олишда қуйидагиларга жиддий эътибор қаратишингиз талаб этилади.
1. Ташаббускорларнинг молиявий ҳолати, пул оқимлари ва гаров таъминотининг етарлилигини жойига чиққан ҳолда пухта ўрганиш.
2. Лойиҳанинг иқтисодий самарадорлиги, бизнес режа кўрсаткичларининг мутаносиблиги, замонавий инновацион ғоялар билан асослантирилганлиги, экспортбоп маҳсулот ишлаб чиқариш имкониятлари ва истиқболлилигига тўлиқ ишонч ҳосил қилиш.
3. Хориждан наслли чорва молларини олиб келиш бўйича чет эллик ҳамкорлар билан маҳсулот етказиб бериш юзасидан контрактация шартномаларнинг тузилганлигини кўриб чиқиш.
4. Туман ҳокимликлари билан биргаликда 2019-2020 йилларда амалга оширилиши режалаштирилаётган лойиҳаларнинг дастлабки рўйхатини шакллантириш ва кўриб чиқиш учун жорий йилнинг 10 октябрига қадар банк Бошқарувига тақдим этиш.
Ушбу юклатилган вазифалар ижроси бўйича маълумотлар ҳар хафта банк Бошқаруви Раисига киритилишини ҳамда банк Бошқарувининг селектор йиғилишиларида муҳокама қилинишини маълум қиламиз.