Zbekiston respublikasi aksiyadorlik tijorat xalq banki

Бошқарув Раиси
ўринбосари в.в.б Д. Акрамов

Ўзбекистон Республикаси Вазирлар Маҳкамасига

Маълумки, Ўзбекистон Республикаси Президентининг республика ҳудудларига ташрифлари давомида берган топшириқлари ва кенгайтирилган тарзда ўтказилган мажлис баёнлари ҳамда Бош вазир ўринбосари

- Инвестициялар ва ташқи савдо вазири С.Умурзақов раҳбарлигида жаҳонда кенг тарқалган “Коронавирус” пандемияси сабабли ҳудудларда экспорт ва инвестиция кўрсаткичларининг бажарилмаслик хавфини олдини олиш юзасидан амалга ошириладиган чора-тадбирлар тўғрисидаги масалаларга бағишлаб ўтказилган йиғилиш баёнларида инвестиция лойиҳаларининг манзилли дастурлари тасдиқланган бўлиб, Халқ банки томонидан ушбу лойиҳалар ижроси юзасидан қуйидаги ишлар амалга оширилмоқда. Хусусан,
Олтиариқ туманидаги “Иброҳим Убайдулло асл мевалари” ХК томонидан умумий қиймати 800,0 млн. сўм (банк кредити 500,0 млн. сўм) бўлган “Музлаткичли омборхона ташкил этиш” лойиҳаси;
“Муродилжон Тешабоев” ФХ томонидан умумий қиймати 1,1 млрд. сўм (банк кредити 834,0 млн. сўм) бўлган “Чорвачиликни ташкил этиш” лойиҳаси;
Боғдод туманидаги “Зироатчи Мустафақул” ФХ томонидан умумий қиймати 16,8 млрд. сўм (банк кредити 12,8 млрд. сўм) бўлган “Чорвачиликни ташкил этиш” лойиҳаси;
“Асад-тех” МЧЖ томонидан умумий қиймати 6,0 млрд. сўм (банк кредити 4,0 млрд. сўм) бўлган “Ип-йигирув дастгоҳи сотиб олиш” лойиҳаларига бугунги кунда хорижий кредит линиясида ресурс маблағи молиялаштирилмаганлиги сабабли мазкур лойиҳаларга кредит ажратиш масаласи вақтинчалик тўхтатилган.
Шунингдек, Қўқон шаҳридаги “Bulut textile” МЧЖ томонидан “Ип газлама ишлаб чиқаришни ташкил этиш” лойиҳасини амалга ошириш белгиланган бўлиб, ташаббускорнинг ҳисобрақами Асака банкнинг Қўқон шаҳар филиалида бўлганлиги сабабли, лойиҳани молиялаштириш ва амалга ошириш масалаларига мазкур банк томонидан хизмат кўрсатиб келинмоқда.