Бошқарув Раиси
ўринбосари Б. Атамурадов
|
Ўзбекистон Республикаси Марказий банкига
|
Акциядорлик тижорат Халқ банки Бошқаруви ушбу орқали, Ўзбекистон Республикаси Марказий банкининг 2020 йил 13 февралдаги
208-сонли фармойишига асосан Ўзбекистон Республикаси Президентининг республика ҳудудларига ташрифлари баёнларида ҳамда давлат уй-жой дастурлари доирасида банк тизимига белгиланган топшириқлар ижроси юзасидан Сурхондарё ва Фарғона вилоятларида олиб борилган ўрганишлар натижасида аниқланган камчиликлар бўйича қуйидагиларни маълум қилади.
Хусусан, Фарғона вилоятидаги “Сотволди бобо” ФХ томонидан четдан 33 бош наслли чорва моллари олиб келганлиги бўйича давлат божхона декларацияси (ГТД) расмийлаштирилган ва лойиҳа амалга оширилган.
Бундан ташқари, “Зарчашма булоғи” ФХ, “Сафарали Тешабоев” ФХ, “Келажак универсал” ХК ва “Мулки Бастону Шариф” ФХларига хорижий кредит линиялари маблағлари ҳисобидан кредит ажратиш юзасидан тегишли хужжатлар расмийлаштирилиб, Ўзбекистон Республикаси Агросаноат мажмуи ва озиқ-овқат таъминоти соҳасидаги лойиҳаларни амалга ошириш агентлигига тақдим қилинган.
Бироқ, ушбу Агентликнинг 2019 йил 16 декабрдаги
ГГ-91/10-5672-сонли хатида тижорат банкларининг юборилган биринчи
3 (учта) суб-лойиҳаси Халқаро қишлоқ хўжалиги тараққиёти жамғармаси томонидан кўриб чиқилиб, ижобий хулоса берилгандан сўнг лойиҳада иштирок этувчи тижорат банкларнинг бошқа суб-лойиҳа бўйича кредит хужжатлари Агентлик томонидан қабул қилиниши маълум қилган. Шу сабабли мазкур лойиҳаларни банк томонидан молиялаштириш ишлари кечикмоқда.
Шунингдек, Сурхондарё вилоятидаги “Диёрбек идеал сурхон” МЧЖ томонидан амалга ошириладиган лойиҳани тармоқ жадвалига асосан молиялаштириш муддатини 2020 йил 2-чоракка узайтириш юзасидан вилоят ҳокимлигига таклиф киритилган.
Бундан ташқари, банк томонидан молиялаштирилган 11 та лойиҳа
2019 йилнинг октябрь-декабрь ойларида ишга тушганлиги сабабли тўлиқ қувват билан фаолият олиб бормаган. Мазкур лойиҳаларнинг келгусида тўлиқ қувват билан ишлашини таъминлаш юзасидан банк томонидан зарурий чоралар кўриб борилади.
Шунингдек, техник хатолик сабабли “ягона электрон база”га “Хушнуд Жаҳон парранда” ФХ ва “Омад Фармоншоҳ” ОКлари томонидан амалга ошириладиган лойиҳалар икки марта киритилган ва кредит ажратиш тўғрисидаги маълумотлар базага нотўғри қайд этилган. Мазкур камчиликларни бартараф этиш бўйича тегишли чоралар кўрилмоқда.
Шу билан бир қаторда, кичик саноат зонаси ҳудудидаги 5 та лойиҳани дастурдан чиқариш ёки ишга тушириш муддатларини узайтириш бўйича банк томонидан вилоят ҳокимлигига 2019 йил декабрь ойида таклиф киритилган.
Do'stlaringiz bilan baham: |